ध्यान केन्द्रले ख्याति कमाउँदै लाप्ची (तस्बिरहरू)

फोटो फिचर

गृहपृष्ठ
फोटो फिचर

ध्यान केन्द्रले ख्याति कमाउँदै लाप्ची (तस्बिरहरू) समुद्री सतहबाट ३६७० मिटर उचाइमा रहेको लाप्ची गाउँमा ध्यान गर्न चाहनेहरू विशेषगरी ३ महिना, ६ महिना र ३ वर्षका लागि आउँछन्। दुई वटा ठूला गुम्बा रहेको लाप्चीमा ध्यान गर्नैका लागि छुट्टै ३२ गुम्बा बनाइएका छन्। यी गुम्बामा विदेशीहरू ध्यान गरेर बस्ने गर्छन् ।

जीवन लामा बिहीबार, असार ६, २०८१

दोलखा। दोलखाको बिगु गाउँपालिका–१ लामाबगरमा पर्छ, लाप्ची । चीनसँग सीमा जोडिएको लाप्ची ध्यान केन्द्रको रूपमा परिचित हुँदै गएको छ। यहाँ विश्वका बौद्ध धर्मावलम्बीहरू ध्यान गर्न पैदल हिँडेरै पुग्छन्। हालसम्म सडक, बत्ती, टेलिफोन, इन्टरनेट सुविधा नभएका कारण पनि शान्त देखिन्छ, यो ठाउँ । लाप्चीमा २३ घरधुरी शेर्पा जातिको मात्रै बसोबास छ। यिनीहरू हिउँमा लुम्नाङ र गर्मी मौसममा लाप्चीमा बस्ने गर्छन्। लुम्नाङमा ४८ घरधुरी छन्।

समुद्री सतहबाट ३६७० मिटर उचाइमा रहेको लाप्ची गाउँमा ध्यान गर्न चाहनेहरू विशेषगरी ३ महिना, ६ महिना र ३ वर्षका लागि आउँछन्। दुई वटा ठूला गुम्बा रहेको लाप्चीमा ध्यान गर्नैका लागि छुट्टै ३२ गुम्बा बनाइएका छन्। यी गुम्बामा विदेशीहरू ध्यान गरेर बस्ने गर्छन् ।

लाप्चीका शेर्पाहरूको मुख्य पेसा चौरीपालन हो। चीनमा उनीहरूले पालेका चौरीका बाछा, चौरीको घिउ, छुर्पी बेच्ने गर्छन्। भूकम्प र कोभिड पहिले वैवाहिक सम्बन्ध पनि चीनमै हुने गथ्र्यो। धार्मिक, प्राकृतिक र सांस्कृतिक रुपमा महत्त्व बोकेको लाप्चीमा नेपालीहरू पनि घुम्न पुग्छन्।