त्रिभुवन विमानस्थल ५ महिनासम्म दैनिक १० घन्टा बन्द हुँदै

पर्यटन

गृहपृष्ठ
पर्यटन

त्रिभुवन विमानस्थल ५ महिनासम्म दैनिक १० घन्टा बन्द हुँदै

क्यापिटल नेपाल सोमबार, असार १०, २०८१

काठमाडौं। त्रिभुवन विमानस्थल कार्यालयले धावनमार्ग विस्तार, ट्याक्सी, पार्किङ वेलगायत संरचना निर्माणका लागि करिब ५ महिनासम्म विमानस्थल १० घन्टा बन्द हुने सूचना सार्वजनिक गरेको छ।

कार्यालयबाट जारी सूचनाअनुसार आउँदो कात्तिक २३ देखि चैतसम्म त्रिभुवन अन्तर्राष्ट्रिय विमानस्थल दैनिक १० घन्टा बन्द हुने भएको हो।

कार्यालयका अनुसार कात्तिक २३ देखि विमानस्थल राती १० बाट बिहान ८ बजेसम्म बन्द हुनेछ। विमानस्थल धावन मार्गलगायत संरचना स्तरोन्नतिका लागि पाँच महिनासम्म ११ घन्टासम्म विमानस्थल बन्द रहनेछ।

कात्तिक २३ देखि १८ चैतसम्म विमानस्थल दैनिक १४ घन्टा मात्र सञ्चालनमा रहने कार्यालयको सूचनामा भनिएको छ। अहिले काठमाडौं विमानस्थल बिहान ६ देखि राती २ बजेसम्म सञ्चालन हुँदै आएको छ।