नेप्सेमा दोहोरो अंकको गिरावट

सेयर

गृहपृष्ठ
सेयर

नेप्सेमा दोहोरो अंकको गिरावट

क्यापिटल नेपाल बुधबार, असार १२, २०८१

काठमाडौं। लगातार दुई कारोबार दिन झिनो अंकले बढेको नेप्से परिसूचकमा बुधबार दोहोरो अंकको गिरावट आएको छ। आज नेपाल स्टक एक्सचेन्ज (नेप्से) परिसूचक ११.६० अंकले घटेर २०६० को बिन्दुमा समेटिएको हो।

आज कारोबार भएका १३ मध्ये ३ वटा समूहको सूचक मात्रै बढेको छ। आज नेप्सेमा ८७ लाख २७ हजार १६४ कित्ता सेयर किनबेच हुँदा ४ अर्ब ५ करोड रुपैयाँको सेयर कारोबार भएको छ।

बुधबार २४६ कम्पनीको सेयर कारोबार भएकामा १८६ कम्पनीको सेयर मूल्य घटेको छ भने ५७ कम्पनीको सेयर मूल्य बढेको छ। यस्तै, ३ कम्पनीको सेयर मूल्य यथावत् छ।

मंगलबार नेप्से ५.६० अंकले बढेर २०७१.७७ को बिन्दुमा बन्द भएको हो। अघिल्लो कारोबार दिन सोमबार पनि नेप्से ३.२१ अंकले बढेर २०६६.१६ को बिन्दुमा बन्द भएको थियो।

प्रकाशित मिति: बुधबार, असार १२, २०८१ १५:३२

प्रतिक्रिया दिनुहोस्