कांग्रेसले उद्योगमन्त्रीलाई बुझायो १७ बुँदे माग

उद्योग

गृहपृष्ठ
उद्योग

कांग्रेसले उद्योगमन्त्रीलाई बुझायो १७ बुँदे माग

क्यापिटल नेपाल सोमबार, असार १७, २०८१

काठमाडौं। नेपाली कांग्रेसको उद्यमशीलता र साना तथा मझौला व्यवसायी विकास विभागले उद्योग, वाणिज्य तथा आपूर्तिमन्त्री दामोदर भण्डारीलाई स्टार्टअप र लघु, घरेलु तथा साना उद्योगको विकासका लागि सुझावसहितको १७ बुँदे मागपत्र बुझाएको छ।

विभाग प्रमुख कांग्रेस केन्द्रीय सदस्य सीता थपलियाको नेतृत्वमा मन्त्रालय पुगेको टोलीले मन्त्री भण्डारीलाई मागपत्र बुझाएको हो।

स्टार्टअप र लघु, घरेलु तथा साना उद्योगसँग जोडिएका क्षमता, अवसर र चुनौतीलाई ध्यानमा राखी विद्यमान नीति र व्यवस्थाको वस्तुपरक विश्लेषण गरी विभागले मन्त्रीको ध्यानाकर्षण गराएको छ।

मन्त्री भण्डारीसमक्ष स्टार्टअप नीति र सम्बन्धित कार्यविधि परिमार्जन गर्न, आगामी दिनमा सहुलियत कर्जा वितरण प्रक्रियालाई पारदर्शी बनाउन, त्यसको प्रगति विवरण वेबसाइटमा नियमित अद्यावधिक गराउन, उद्योगमैत्री नीति सार्वजनिक हुनुपर्नेलगायत माग राखिएको छ।

मन्त्रीसँग राखिएका मागबारे सकारात्मक प्रतिक्रिया व्यक्त भएको विभागका सदस्य खगेन्द्र आचार्यले बताए।

प्रकाशित मिति: सोमबार, असार १७, २०८१ १२:४८

प्रतिक्रिया दिनुहोस्