पशुपति क्षेत्र विकास कोषको कार्यकारी निर्देशकमा जोशी

पर्यटन

गृहपृष्ठ
पर्यटन

पशुपति क्षेत्र विकास कोषको कार्यकारी निर्देशकमा जोशी

क्यापिटल नेपाल सोमबार, असार १७, २०८१

काठमाडौं । पशुपति क्षेत्र विकास कोषको कार्यकारी निर्देशकमा सुभासचन्द्र जोशी नियुक्त भएका छन्।

सोमबारको संस्कृति, पर्यटन तथा नागरिक उड्डयनमन्त्री हित बहादुर तामाङको अध्यक्षतामा बसेको कोष सञ्चालक परिषद् बैठकले जोशीलाई नियुक्त गरेको हो।

खुल्ला प्रतिस्पर्धाबाट जोशी छनौट भएको मन्त्रालयले जनाएको छ। शिक्षा क्षेत्रको नेतृत्वदायी भूमिकामा रहेर झन्डै दुई दशकको अनुभव बटुलेका जोशीले आजै शपथ लिएका छन्।

जोशीले पछिल्लो कार्यविधि अनुसार आफू छनौट हुन सफल भएको र सबै पक्षसँग समन्वय गरेर सिके, जाने अनुसार अगाडी बढ्ने प्रतिबद्धता जनाए।

उनले पशुपति विश्वकै हिन्दुको आस्थाको केन्द्र भएकाले त्यसलाई थप सशक्त बनाउने र विकासमा एउटा इट्टा थप्ने प्रयास निरन्तर रहने बताए।

पछिल्लो समय पशुपति विकास कोषको कार्यकारी निर्देशक नियुक्ति प्रक्रियालाई लिएर आलोचना हुने गरेकोमा यस पटक मन्त्री तामाङको निर्देशनमा खुल्ला प्रतिस्पर्धाबाट नियुक्त गरिएको हो।

कोषको कार्यकारी निर्देशक नेपाल सरकारको राजपत्रांकित विशिष्ट श्रेणी वा सचिव सरहको पद हो। जोशीको कार्यकाल चार वर्षको रहनेछ।

प्रकाशित मिति: सोमबार, असार १७, २०८१ १६:४१

प्रतिक्रिया दिनुहोस्