एनसेलका खुद्रा बिक्रेता नगेन्द्रले जिते डिस्कभर बाइक

कर्पोरेट बजार

गृहपृष्ठ
कर्पोरेट बजार

एनसेलका खुद्रा बिक्रेता नगेन्द्रले जिते डिस्कभर बाइक

क्यापिटल नेपाल बिहीबार, साउन ३, २०८१

काठमाडौं । एनसेलले आफ्ना खुद्रा बिक्रेता र साना पसल गर्ने व्यवसायीलाई प्रोत्साहन तथा सहयोग गर्ने उद्देश्यले सञ्चालन गरेको ‘बिक्रीमा बहार, बिक्रेतालाई उपहार’योजनाअन्तर्गत झापाको झापा गाउँपालिका ५, पन्थपाडामा शिव बाबा किराना सञ्चालन गर्दै आएका नगेन्द्र प्रसाद गणेशले बजाज डिस्कभर बाइक जितेका छन्।

कम्पनीले आफ्नो च्यानल इकोसिस्टमको प्रत्येक तहलाई सशक्त बनाउने प्रतिबद्धता अनुरुप देशभरका खुद्रा विक्रेतालाई प्रोत्साहन र पुरस्कृत गर्ने उद्देश्यले कार्यक्रम लागू गरेको थियो। बिहीबार बिर्तामोडमा आयोजित कार्यक्रममा कोसी प्रदेशका एनसेल प्रादेशिक व्यापार प्रबन्धक अम्बर भट्टाचार्यले गणेशलाई १२५ सीसीको बजाज डिस्कभर मोटरसाइकल हस्तान्तरण गरेका थिए।

कार्यक्रममा सहभागी खुद्रा विक्रेताले सिम कार्ड र प्याक बिक्रीबापत निश्चित प्वाइन्ट आर्जन अवसर पाएका थिए । यसरी आर्जन गरिएको प्वाइन्टहरुको आधारमा उनीहरुले ६५ इन्चसम्मका स्मार्ट टिभी, स्मार्टफोन, स्मार्टवाच, पावर बैंक र ब्लुटुथ स्पिकर उपहार पाएका छन्।

बम्पर उपहारका रुपमा मोटरसाइकल पाउन आर्जन गरेको प्वाइन्टको आधारमा कुल ४,७५४ खुद्रा बिक्रेता मोटरसाइकलका लागि योग्य थिए र विजेता नगेन्द्र गोला प्रथामार्फत छानिएको कम्पनीले जनाएको छ। कार्यक्रमअन्तर्गत देशभर सातै प्रदेशबाट १,१०० जना खुद्रा विक्रेताले विभिन्न उपहार पाउन सफल भएका छन्।

प्रकाशित मिति: बिहीबार, साउन ३, २०८१ १८:०२

प्रतिक्रिया दिनुहोस्