आर्थिक विकासको आकांक्षा पूरा गर्न नयाँ सरकार बन्यो : प्रधानमन्त्री ओली

अर्थतन्त्र

गृहपृष्ठ
अर्थतन्त्र

आर्थिक विकासको आकांक्षा पूरा गर्न नयाँ सरकार बन्यो : प्रधानमन्त्री ओली

क्यापिटल नेपाल आइतबार, साउन ६, २०८१

काठमाडौं । प्रधानमन्त्री केपी शर्मा ओलीले जनतामा बढिरहेको निराशालाई तोड्न नयाँ सरकार बनेको बताएका छन्।

प्रतिनिधिसभा बैठकमा बोल्दै प्रधानमन्त्री ओलीले देशमा बढिरहेको निराशा हटाएर आर्थिक विकासको आकांक्षा पूरा गर्न नयाँ सरकार बनेको बताए।

'२०४६ सालपछि यति चरम निराशा पहिलो पटक देखिएको हो। अर्थतन्त्र डामाडोल अवस्थामा छ। आयात र निर्यात घटेको छ। तानतुन गर्दा लक्ष्यअनुसार ७६ प्रतिशत मात्र राजश्व उठेको छ। यो अर्थतन्त्रमा देखिएको समस्याको उदाहरण हो,' उनले भने।

निराशा हटाएर आशाको सञ्चार गर्न र देशलाई तीव्र आर्थिक दिशामा लैजान सरकार प्रतिवद्ध रहने उनले बताए। उनले आफू नेतृत्वको सरकारका प्राथमिकता पनि संसद्‍लाई जानकारी गराएका छन्।

‘सरकारको तौरतरिकाको कारणले उद्योगी व्यवसायीहरू मरीचझैँ चाउरिएको छ, करिब ६० लाख भन्दा बढी जनता निरपेक्ष गरिबीको भुंग्रोमा पिस्सिएको छ। भ्रष्टाचारले सीमा नाघेको छ। युवाहरू विदेश पलायन भइरहेको छ,’ उनले भने, 'यी समस्या समाधानमा सरकार केन्द्रित रहने छ।'

प्रकाशित मिति: आइतबार, साउन ६, २०८१ १४:१४

प्रतिक्रिया दिनुहोस्