सौर्य जहाज दुर्घटनाः एकै परिवारका तीन जनाले ज्यान गुमाए

समाज

गृहपृष्ठ
समाज

सौर्य जहाज दुर्घटनाः एकै परिवारका तीन जनाले ज्यान गुमाए

क्यापिटल नेपाल बुधबार, साउन ९, २०८१

काठमाडौं । पोखरामा सी–चेकका लागि काठमाडौंबाट उडेलगत्तै दुर्घटनामा परेको सौर्य एयरको जहाजमा एकै परिवारका तीन जनाले ज्यान गुमाएका छन्।

सौर्य एयरलाइन्सका प्राविधिक मनुराज शर्मा, उनकी श्रीमती प्रिजा खतिवडा र ४ वर्षीय छोरा अधिराज शर्माको जहाज दुर्घटनामा अकाल मृत्यु भएको हो।

प्रिजा ऊर्जा मन्त्रालयमा सहायक कम्प्युटर अपरेटरमा कार्यरत थिइन्।

पोखरा उडेको विमानमा ऊर्जा मन्त्रालयकी कर्मचारी खतिवडा र उनका नाबालक छोरासमेतले ज्यान गुमाएको विमानस्थलका प्रवक्ता नवीनराज सिंहले बताए।

श्रीमान् सौर्यका कर्मचारी भए पनि आमाछोराको जहाजमा दुर्घटनामा परेर मृत्यु भएको हो।

बुधबार बिहान ११ः११ बजे काठमाडौंबाट पोखरा उडेको सौर्यको ९ एन–एएमई/सिआरजे २०० कलसाइनको जहाज दुर्घटनामा परेको हो।

१९ यात्रु सवार दुर्घटनमा १८ जनाको मृत्यु भएको छ भने क्याप्टेन मनीषरत्न शाक्यले जहाजबाटै हाम फालेर ज्यान बचाएका छन्। उनको हाल सिनामंगलस्थित केएमसी अस्पतालमा उपचार भइरहेको छ।

प्रकाशित मिति: बुधबार, साउन ९, २०८१ १५:४३

प्रतिक्रिया दिनुहोस्