मलेसियामा पनि सुरु भयो भ्रमण वर्ष २०२०

मुख्य समाचार

गृहपृष्ठ
मुख्य समाचार

मलेसियामा पनि सुरु भयो भ्रमण वर्ष २०२०

क्यापिटल नेपाल मंगलबार, पुस २२, २०७६

काठमाडौं । मलेसियामा नेपाल भ्रमण वर्ष २०२० को सुभारम्भ गरिएको छ । क्वालालम्पूर स्थीत नेपाली राजदूतावासमा गरिएको उद्धघाटन कार्यक्रमको मलेसियाका पर्यटन, कला तथा संस्कृति मन्त्री दातुक मोहमद्दिन विन केतापीले उद्धघाटन गरेका हुन् ।

भ्रमण वर्षको उद्धघाटन गर्दै मन्त्री केतापीले विश्वका धेरै पर्यटकहरुको रोजाईमा नेपाल रहेको जानकारी दिए । उनले पर्यटनको विकासको लागि उत्पादकत्व, प्रचार प्रसार, बजार रणनीति, मानव श्रोतको विकास र नयाँ प्रविधिको प्रयोग अभिवृद्धि सबैले गर्नुपर्ने विषयमा जोड दिनु दिए ।

मलेसियाका लागि नेपालका राजदूत उदयराज पाण्डेले नेपाल र मलेसियावीच पर्यटन प्रवद्र्धनको क्षेत्रमा हुनुपर्ने साझेदारीलगायतका विषयमा प्रकाश पार्दै सम्पूर्ण मलेसियन नागरिक तथा विदेशीहरुलाई नेपाल भ्रमणको निम्तो दिएका छन् ।

कार्यक्रममा मलेसियाका परराष्ट्र मन्त्रालयलगायतका सरकारी कार्यालयहरु, पर्यटन प्रवद्र्धनसँग सम्बन्धित सरकारी तथा गैर सरकारी निकायहरु, मलेसिया र नेपालवीच हवाईसेवा सञ्चालन गर्ने कम्पनीहरु, टुर तथा ट्राभल्स एजेन्सीहरु, होटल, उद्योगी तथा व्यापारिक वर्ग, मिडिया लगायतका उच्चस्तरको प्रतिनिधित्व रहेको थियो।

प्रकाशित मिति: मंगलबार, पुस २२, २०७६ १७:०५