परम्परागत हेरचाह अर्थतन्त्रलाई आयमा रूपान्तरण गर्न आवश्यक : कैलाली चेम्बर उपाध्यक्ष ओझा

उद्योग

गृहपृष्ठ
उद्योग

परम्परागत हेरचाह अर्थतन्त्रलाई आयमा रूपान्तरण गर्न आवश्यक : कैलाली चेम्बर उपाध्यक्ष ओझा

क्यापिटल नेपाल मंगलबार, साउन १५, २०८१

काठमाडौं । कैलाली चेम्बर अफ कमर्सका वरिष्ठ उपाध्यक्ष पुष्करराज ओझाले परम्परागत हेरचाह कार्यलाई आम्दानी गर्ने स्याहार अर्थतन्त्रमा परिणत गर्न आवश्यक रहेको बताएका छन्।

धनगढीमा साउन ११ गते सम्पन्न निजी क्षेत्रमा केयर अर्थतन्त्रको सान्दर्भिकता विषयक तीनदिने तालिमको समापन समारोहमा ओझाले हेरचाह अर्थतन्त्रको महत्त्वबारे जानकारी गराएका हुन्।

अन्तर्राष्ट्रिय श्रम संगठनको ‘सशक्त महिला, समृद्ध नेपाल’परियोजना र नेपाल उद्योग वाणिज्य महासंघ काठमाडौंको सम्झौता अनुरुप उद्योग वाणिज्य महासंघ सुदूरपश्चिम प्रदेशले साउन ९ गतेदेखि सुरु भएको तालिम आयोजना गरेको हो।

समापन समारोहको अध्यक्षता नेपाल उद्योग वाणिज्य महासंघ सुदूरपश्चिम प्रदेश कार्यसमिति सदस्य तथा लम्की चेम्बर अफ कमर्सका अध्यक्ष पदमराज चौलागाईले गरेका थिए।

कार्यक्रममा उपाध्यक्ष ओझाले हेरचाह अर्थतन्त्र, राज्यले अक्सर बेवास्ता गर्ने महत्त्वपूर्ण आर्थिक गतिविधिमा मुख्यतया महिला समावेश हुने जानकारी दिए। उनले परम्परागत हेरचाह कार्यलाई प्रविधिमा आधारित, आयआर्जन गर्ने केयर अर्थतन्त्रमा परिणत गर्न निजी र सार्वजनिक क्षेत्रले मिलेर काम गर्नुपर्नेमा जोड दिए।

तीन दिनसम्म चलेको तालिममा सुदूरपश्चिमका विभिन्न क्षेत्रका उद्योगी, व्यवसायी तथा सरकारी तथा गैरसरकारी संघसंस्थाका प्रतिनिधिसहित ३० जना सहभागी थिए।

प्रकाशित मिति: मंगलबार, साउन १५, २०८१ १७:३१

प्रतिक्रिया दिनुहोस्