सार्वजनिक यातायात सुधार्न गृह मन्त्रालयको १२ बुँदे निर्देशन

समाज

गृहपृष्ठ
समाज

सार्वजनिक यातायात सुधार्न गृह मन्त्रालयको १२ बुँदे निर्देशन

क्यापिटल नेपाल बिहीबार, साउन ३१, २०८१

काठमाडौं । गृह मन्त्रालयले यातायात व्यवसायी राष्ट्रिय महासंघलाई सिमलताल घटना अध्ययन प्रतिवेदनको सुझाव कार्यान्वयन गर्न निर्देशन दिएको छ।

मन्त्रालयले सार्वजनिक यातायात सुरक्षित र भरपर्दो बनाउन यातायात व्यवसायीलाई १२ बुँदासहितको निर्देशन दिएको हो।

असार २८ गते नारायणगढ-मुग्लिङ सडक खण्डको भरतपुर महानगरपालिका वडा नम्बर २९ मा पहिरोले दुईवटा बस बगाएपछि गृह मन्त्रालयका सहसचिव छवि रिजालको संयोजकत्वमा कार्यदल गठन गरेको थियो।

उक्त कार्यदलले साउन २२ गते सुझाव प्रतिवेदन गृहमन्त्रीलाई बुझाएको थियो। सो सुझावअनुसार गृह मन्त्रालयले यातायात व्यवसायीलाई यात्रुहरुलाई टिकट काटेर मात्र यात्रा गराउने, अनलाइन टिकट प्रणालीको विकास गर्ने तथा यात्रुको पहिचान खुल्ने कागजात लिएर मात्र यात्रा गराउने, सवारी साधनमा जीपीएस ट्याकिङ प्रणाली जडान गर्ने, सवारीमा सीसीटीभी र ट्रान्सपोण्डरको व्यवस्था गर्ने लगायतका १२ बुँदे निर्देशन दिएको हो।

पहिरोमा परेर बेपत्ता भएका दुई बस हालसम्म फेला परेका छैनन् भने त्यसमा सवार ६० मध्ये २४ यात्रुको मात्रै शव फेला परेको छ।

यस्तो छ १२ बुँदे निर्देशन