सुनकोसी मरिण डाइभर्सनमा सुनकोसीको बाढी, सुरुङ जोगियो अरु विवरण संकलन हुँदै

पूर्वाधार

गृहपृष्ठ
पूर्वाधार

सुनकोसी मरिण डाइभर्सनमा सुनकोसीको बाढी, सुरुङ जोगियो अरु विवरण संकलन हुँदै

क्यापिटल नेपालआइतबार, असोज १३, २०८१

काठमाडौं। बाढीका कारण राष्ट्रिय गौरवको सुनकोसी मरिण डाइभर्सन बहुउदेश्यीय आयोजनामा क्षति पुगेको छ। सिन्धुली जिल्लामा निर्माणाधीन विपी राजमार्गसँगै पर्ने मरिण डाइभर्सन आयोजनामा सुनकोसीको बाढी पसेको आयोजना निर्देशक मित्र बरालले जानकारी दिए। यद्यपि आयोजना स्थलसम्म पानी पुगेपनि सुरुङ भित्र नपसेको उनको भनाइ छ।

ड्राइभर्सन आयोजनाले नदिको पानी छेक्नका लागि बनाएको ११ मिटर उचाइको अस्थायी संरचना (कफर ड्याम) समेत बाढीले पुरिएको छ। हाल पानीको बहाब कम नभएकाले कति क्षति भयो भन्न सकिने अवस्था नरेको निर्देशक बराल बताउँछन्। ‘कफर ड्याम पुरिएको छ तर के कति क्षति भयो भन्ने विवरण पाउन पानीको बहाब घट्नै पर्छ’ उनले भने।

मरिण डाइभर्सनसँगै रहेको खुर्कोटको कानढुंग्रीमा विपी रागमार्ग धसिएको छ भने सिन्धुली–रामेछाप जोड्ने खाुर्कोटको मोटोरेवल पुलसमेत सुनकोसीको बाढीले बगाएको छ। साथै काठमाडौंबाट मरिण डाइभर्सनसम्म जाने विपी रागमार्गका केही खण्ड बगेको तथा धेरै ठाउँमा पहिरोले अवरोध हुँदा यातायात सेवा टुटेको छ।