जनता एग्रो एन्ड फरेस्ट्री र थाइल्यान्डको बिजम्याच सम्झौता, नेपाली उत्पादन प्रवर्द्धनमा सघाउ पुग्ने

कर्पोरेट बजार

गृहपृष्ठ
कर्पोरेट बजार

जनता एग्रो एन्ड फरेस्ट्री र थाइल्यान्डको बिजम्याच सम्झौता, नेपाली उत्पादन प्रवर्द्धनमा सघाउ पुग्ने

क्यापिटल नेपाल सोमबार, असोज १४, २०८१

काठमाडौं। जनता एग्रो एन्ड फरेस्ट्री र थाइल्यान्डको राजधानी बैंककमा रहेको बिजम्याच सोलुसनबीच सम्झौतामा भएको छ। नेपालमा उत्पादित प्रोडक्टलाई थाइल्यान्डमा बजार खोज्ने उद्देश्यले सम्झौतामा हस्ताक्षर भएको हो।

सम्झौतामा बिजम्याच सोलुसनका अध्यक्ष तथा सह–संस्थापक चित्रा मंगमा तथा जनता एग्रोका मार्केटिङ विभाग म्यानेजर आशीष सिलवाल र निशा देवकोटाले हस्ताक्षर गरे।

थाइल्यान्डमा नेपाली उत्पादनलाई निर्यात गरी मेड इन नेपाल नामबाट बजारीकरण गर्ने योजना छ। व्यावसायिक कृषि, वनपैदावर, जडीबुटी तथा अन्य सम्बन्धित व्यवसायको विकास गर्दै नेपाली उत्पादनलाई विश्व बजारमा निर्यात गरी राष्ट्रिय अर्थतन्त्रलाई सबल तथा दिगो बनाउने लक्ष्य जनता एग्रोको रहेको छ।

कृषि क्षेत्रमा प्रचुर सम्भावना रहेको नेपालमा सानो लगानीबाटै प्रशस्त परिणाम प्राप्त गर्न सकिने तथा नेपाली उत्पादनलाई विदेशमा निर्यात गरी अर्थतन्त्रमा महत्वपुर्ण योगदान गर्न सकिने विश्वासका साथ जनता एग्रोले बिजम्याच सोलुसनसँग उक्त समझदारी गरिएको हो।

संस्थाले विदेशी संस्थासँग सहकार्य गर्दा नेपालको उत्पादनलाई विश्व बजारमा प्रवर्द्धन गर्ने र उद्यमशीलता विकासका लागि उपयुक्त वातावरण सिर्जना गर्ने हुँदा जनता एग्रोले बिजम्याच सोलुसनसँगको सहकार्यमा नेपाली उत्पादनलाई अन्तर्राष्ट्रिय स्तरमा सफल बनाउन प्रतिबद्धता व्यक्त गरेको छ।

प्रकाशित मिति: सोमबार, असोज १४, २०८१ १६:५५

प्रतिक्रिया दिनुहोस्