एनओसी–आईओसीबीच सम्झौता, १७ अर्ब लागतमा भारतले पेट्रोलियम पाइपलाइन बनाइदिने

पूर्वाधार

गृहपृष्ठ
पूर्वाधार

एनओसी–आईओसीबीच सम्झौता, १७ अर्ब लागतमा भारतले पेट्रोलियम पाइपलाइन बनाइदिने

क्यापिटल नेपाल बिहीबार, असोज १७, २०८१

काठमाडौं। भारतले नेपालमा सिलगढीदेखि झापाको चारआली र अमलेखगञ्जदेखि लोथरसम्म पेट्रोलियम पाइपलाइन बनाइदिने भएको छ। करिब १७ अर्ब रुपैयाँ लागत रहेको पाइपलाइन निर्माणका लागि बिहीबार नेपाल आयल निगम (एनओसी)र इन्डियन आयल कर्पोरेसन (आईओसी)बीच सम्झौता भएको छ।

एनओसीबाट प्रबन्ध निर्देशक चण्डिका भट्ट र आईओसीका तर्फबाट पाइपलाइन आयोजनाका निर्देशक सेन्थल केआर एनले सम्झौतामा हस्ताक्षर गरेका हुन्।

सम्झौता अवसरमा भारत पेट्रोलियम तथा प्राकृतिक ग्यास मन्त्रालयका सचिव पंकज जैन र आईओसीका अध्यक्ष भी सतिषकुमार पनि उपस्थित थिए।

सिलगढीदेखि झापाको चारआलीसम्मको पाइपलाइन बनाउँदा भारततर्फ ३५ किलोमिटर र नेपालतर्फ १५ किलोमिटर बन्नेछ। त्यस्तै, अमलेखगञ्जदेखि लोथरसम्म ६९ किलोमिटर पाइपलाइन बनाइने सम्झौता भएको छ।

भारतले चारआलीमा डिपो बनाइदिनेछ भने लोथरमा निर्माण गरिने डिपो आईओसीले बनाइदिए पनि खर्च एनओसीले बेहोर्नेछ।

२०८० जेठ १८ मा तत्कालीन प्रधानमन्त्री पुष्पकमल दाहाल र भारतीय समकक्षी नरेन्द्र मोदीबीच दोस्रो चरणको पेट्रोलियम पाइपलाइन विस्तारको सहमति भएको थियो।

प्रकाशित मिति: बिहीबार, असोज १७, २०८१ १३:२१

प्रतिक्रिया दिनुहोस्