विश्व कीर्तिमानी आरोहीहरूलाई एयरपोर्टमा भव्य स्वागत

पर्यटन

गृहपृष्ठ
पर्यटन

विश्व कीर्तिमानी आरोहीहरूलाई एयरपोर्टमा भव्य स्वागत

क्यापिटल नेपाल सोमबार, असोज २८, २०८१

काठमाडौं। विश्वका १४ अग्ला हिमाल आरोहण गरी स्वदेश फर्किएका निमा रिन्जी शेर्पा, निर्मल पूर्जा (निम्सदाई), दावा याङ्जुम शेर्पालगायतलाई बाजागाजासहित सोमबार एयरपोर्टमा भव्य स्वागत गरिएको छ।

हिमाल आरोहणमा विश्व कीर्तिमान राखेर फर्किएका आरोहीहरूलाई त्रिभुवन अन्तर्राष्ट्रिय विमानस्थल (एयरपोर्ट)मा भव्य स्वागत गरिएको हो।

निमाले सबैभन्दा कान्छो आरोही र निर्मल पूर्जा (निम्सदाई)ले पुरक अक्सिनबिना सबैभन्दा छिटो आरोहणको विश्व र्कितिमान बनाएका छन्। यस्तै दावा याङ्जुम विश्वकै अग्लो शिखर सगरमाथासहित ८ हजार मिटरभन्दा अग्ला १४ वटा हिमाल आरोहण गर्ने पहिलो नेपाली महिला भएकी छन्।

नेपाल पर्वतारोहण संघको अगुवाइमा उनीहरूलाई नेपाल नेसनल माउन्टेन गाइड एशोसिएसन, मगर संघ, शेर्पा टुरिजम् इन्टरप्रेनियर्स एशोसिएसन अफ नेपाल, सेभेन समिट ट्रेक्सलगायत विभिन्न संघ संस्थाबाट प्रतिनिधिहरू विमानस्थल पुगेका थिए।

प्रकाशित मिति: सोमबार, असोज २८, २०८१ १८:०८

प्रतिक्रिया दिनुहोस्