कर्जा सुरक्षण कोष-जीवन विकास लघुवित्त सम्झौता, २० लाखसम्मको कर्जा सुरक्षण

कर्पोरेट बजार

गृहपृष्ठ
कर्पोरेट बजार

कर्जा सुरक्षण कोष-जीवन विकास लघुवित्त सम्झौता, २० लाखसम्मको कर्जा सुरक्षण

क्यापिटल नेपाल बिहीबार, कात्तिक २९, २०८१

काठमाडौं। निक्षेप तथा कर्जा सुरक्षण कोष र जीवन विकास लघुवित्त वित्तीय संस्थाबीच लघुवित्त तथा विपन्न वर्ग कर्जा सुरक्षण गर्ने सम्झौतापत्रमा हस्ताक्षर भएको छ।

सम्झौतामा कोषका प्रमुख कार्यकारी अधिकृत रमेश घिमिरे र जीवन विकासका प्रमुख कार्यकारी अधिकृत सञ्जयकुमार मण्डलले हस्ताक्षर गरे।
सम्झौतासँगै वित्तीय संस्थाले लघु व्यवसायका सदस्यलाई बिनाधितो व्यक्तिगत वा सामूहिक जमानीमा लगानी गरेको प्रतिव्यक्ति १० लाखसम्म, धितो जमानीमा लगानी गरेको प्रतिव्यक्ति २० लाखसम्मको कर्जा कोषले सुरक्षण गर्नेछ।

विभिन्न कारणले कर्जा असुल हुन नसके संस्थाले कोषसमक्ष दाबी गर्ने र उक्त दाबीमा कोषले ७५ प्रतिशत भुक्तानी दिनेछ।

यस प्रकार सुरक्षण हुने कर्जा सुरक्षण शुल्क वार्षिक शून्य दशमलव आठ प्रतिशत रहनेछ भने यसमध्ये ५० प्रतिशत मात्र जीवन विकासले कोषमा बुझाउने र बाँकी सुरक्षण शुल्क रकम सरकारबाट अनुदान स्वरूप कोषमा प्राप्त हुनेछ।

प्रकाशित मिति: बिहीबार, कात्तिक २९, २०८१ १३:३५

प्रतिक्रिया दिनुहोस्