ग्लोबल आइएमई बैंककाे उपहार याेजना, फोनपे क्यूआरमा आबद्ध मर्चेन्टलाई १ लाख जित्ने अवसर

कर्पोरेट बजार

गृहपृष्ठ
कर्पोरेट बजार

ग्लोबल आइएमई बैंककाे उपहार याेजना, फोनपे क्यूआरमा आबद्ध मर्चेन्टलाई १ लाख जित्ने अवसर

क्यापिटल नेपालबिहीबार, पुस १८, २०८१

काठमाडौं। ग्लोबल आइएमई बैंकले १८औं वार्षिकोत्सव अवसरमा बैंकको फोनपे नेटवर्कमा आबद्ध क्यूआर कोड मर्चेन्टलाई लक्षित गरी क्यासब्याक, स्मार्टफोन र १ लाखको मुद्दती जित्ने उपहार योजना सार्वजनिक गरेको छ। बैंकले १९ वर्ष प्रवेश अवसरमा पुस १८ देखि माघ १८ सम्म उपहार याेजना सञ्चालनमा ल्याएको हाे ।

उपहार योजनाअन्तर्गत बैंकमा आबद्ध भएका तर हालसम्म कारोबार नगरेका मर्चेन्टले योजना अवधिमा १८० वा सोभन्दा बढी रुपैयाँको भुक्तानी फोनपे क्यूआर कोडमार्फत प्राप्त गर्दा भाग्यशाली १८ मर्चेन्टले दैनिक १८० क्यासव्याक प्राप्त गर्नेछन्। योजना अवधिभर क्यूआर कोडमार्फत भुक्तानी लिने मर्चेन्टमध्ये प्रत्येक हप्ता १ जना भाग्यशाली मर्चेन्टले स्मार्टफोन उपहार प्राप्त गर्नेछन्। योजना अवधिभरमा ४ जना मर्चेन्टले स्मार्ट फोन जित्नेछन्।

बम्पर उपहारमा १ जना भाग्यशाली मर्चेन्टले ३ महिना समयावधिको १ लाख रकमको मुद्दती खाता योजना जित्नेछन्।

हाल बैंकले ३५५ शाखा, ३८४ एटिएम, २३७ शाखारहित इकाइ, ६८ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालयबाट बैंकिङ सेवा दिँदै आएको छ।

प्रकाशित मिति: बिहीबार, पुस १८, २०८१ १७:१०

प्रतिक्रिया दिनुहोस्