सिटिजन्स बैंकको खुद मुनाफा सवा ६६ करोड, वितरणयोग्य नाफा १५ करोड ८१ लाख

बैंकिङ

गृहपृष्ठ
बैंकिङ

सिटिजन्स बैंकको खुद मुनाफा सवा ६६ करोड, वितरणयोग्य नाफा १५ करोड ८१ लाख

क्यापिटल नेपालसोमबार, माघ ७, २०८१

काठमाडौं। सिटिजन्स बैंक इन्टरनेसनलले चालू आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ। विवरणअनुसार बैंकले चालू आर्थिक वर्षको दोस्रो त्रैमाससम्म ६६ करोड १८ लाख रुपैयाँ खुद नाफा आर्जन गरेको छ।

यो नाफा गत वर्षको यसै अवधिको भन्दा १५.४५ प्रतिशतले कम हो। गत वर्ष बैंकले ७८ करोड २७ लाख रुपैयाँ नाफा कमाएको थियो।

बैंकको इम्पेयरमेन्ट चार्ज ८५ करोड ९५ लाखबाट बढेर १ अर्ब ३८ करोड ५३ लाख रुपैयाँ पुगेसँगै नाफामा गिरावट देखिएको हो।
बैंकको खुद ब्याज आम्दानी २ अर्ब ८३ करोडबाट बढेर ३ अर्ब ७ करोड रुपैयाँ पुगेको छ।

चुक्ता पुँजी १४ अर्ब ७६ करोड ९० लाख रुपैयाँ रहेको बैंकको जगेडा कोषमा ७ अर्ब २८ करोड रुपैयाँ छ। बैंकको वितरणयोग्य नाफा १५ करोड ८१ लाख रुपैयाँ रहेको विवरणमा उल्लेख छ। प्रतिसेयर आम्दानी ८.९६ रुपैयाँ रहेको बैंकको प्रतिसेयर नेटवर्थ १५०.३९ रुपैयाँ छ।

प्रकाशित मिति: सोमबार, माघ ७, २०८१ ०९:३०

प्रतिक्रिया दिनुहोस्