रास्वपा चौथो आक्रमणबाट गुज्रिइरहेको छः स्वर्णिम वाग्ले

राजनीति

गृहपृष्ठ
राजनीति

रास्वपा चौथो आक्रमणबाट गुज्रिइरहेको छः स्वर्णिम वाग्ले

क्यापिटल नेपाल शुक्रबार, माघ १८, २०८१

काठमाडौं। राष्ट्रिय स्वतन्त्र पार्टी (रास्वपा) सांसद डा. स्वर्णिम वाग्लेले आफ्नो पार्टी नयाँ हुँदा चौथो चरणको आक्रमणबाट गुज्रिइरहेको बताएका बताएका छन्।

आजदेखि सुरु भएको प्रतिनिधिसभाको हिउँदे अधिवेशनमा वाग्लेले सरकारी संयन्त्रबाट रास्वपालाई चरणबद्ध रुपमा तड्पाइएको कटाक्ष गरेका हुन्।

उनले नयाँ पार्टी विभिन्न चरणबाट गुज्रिनुपर्ने र सोहीअनुसार रास्वपा पनि त्यसको सिकार भएको दाबी गरे।

‘विश्व राजनीतिमा नयाँ शक्त उदाउँदा चार चरणबाट गुज्रिने भनिँदो रहेछ। यसमा पहिलो बेवास्ता गर्ने, दोस्रो चरणमा खिसीटिउरी गर्ने, तेस्रो चरणमा आक्रमण र भीषण आक्रमण गर्ने। हामी यही चरणबाट गुज्रिरहेका छौं’, उनले भने।

उनले चौथो चरणमा अस्तित्व स्वीकार्यता रहेको भन्दै अब रास्वपा त्यसतर्फ अघि बढेको बताए। रास्वपा उपसभापतिसमेत रहेका वाग्लेले संसद् सुचारु हुनु जनताको घरको ढोका खुल्नुसरह भएको बताए।

संसदको हिउँदे अधिवेशनको पहिलो बैठकको सुरुमै रास्वपा सांसदहरुले १५ मिनेटका लागि संसद् बैठक वहिष्कार गरेका थिए।

प्रकाशित मिति: शुक्रबार, माघ १८, २०८१ १६:१३

प्रतिक्रिया दिनुहोस्