खाजा खर्च कटाएर १० लाखको लागतमा पुस्तकालय पुनः निर्माण

समाज

गृहपृष्ठ
समाज

खाजा खर्च कटाएर १० लाखको लागतमा पुस्तकालय पुनः निर्माण

क्यापिटल नेपालबिहीबार, फागुन १, २०८१

ललितपुर। नेपाल विद्यार्थी संघ (नेविसङ्घ) पाटन संयुक्त क्याम्पस इकाइका विद्यार्थीले खाजा खर्च बचाएर पुस्तकालय पुनः निर्माण गरेका छन्। विसं २०७२ को भूकम्पले क्षतिग्रस्त बनाएको पुस्तकालय भवनको मर्मतसम्भार, रङ्गरोगनका साथै साजसज्जा गरेर क्याम्पस प्रशासनलाई हस्तान्तरण गरिएको छ।

विद्यार्थीले खाजा खर्च कटाएर दिएको करिब १० लाखको लागतमा जीर्ण अवस्थामा रहेको पुस्तकालय पुनःनिर्माण गरिएको नेविसङ्घ पाटन इकाइका सभापति तारा शर्माले जानकारी दिए।

बुधबार उपप्रधान एवं सहरी विकासमन्त्री प्रकाशमान सिंहले पुस्तकालयको उद्घाटन गरेसँगै क्याम्पस प्रशासनलाई विधिवत् रूपमा हस्तान्तरण गरिएको छ। उनले खाजा खर्च कटाएर विद्यार्थीले गरेको असल कामका लागि धन्यवाद दिए।

उनले विद्यार्थीले राजनीति मात्रै नभइ यस्तै रचनात्मक काम गर्ने समाजमा पनि राम्रो सन्देश प्रवाह हुने बताए। अब राम्रो विषय पढ्नका लागि नेपालमै सम्भव रहेको र देशभित्रै बसेर पनि विश्वका उत्कृष्ट विश्वविद्यालयमा पढाइ हुने पाठ्यक्रम पढ्न सकिनेबारे साथीभाईलाई आस्वस्त पार्न उपप्रधानमन्त्री सिंहले विद्यार्थी सङ्गठनलाई आग्रह गरेका थिए।

प्रकाशित मिति: बिहीबार, फागुन १, २०८१ ०९:११

प्रतिक्रिया दिनुहोस्