नियम मिच्नेलाई होली मनाउन नपाउने गरी दिनभर सडकमै रोकिने

समाज

गृहपृष्ठ
समाज

नियम मिच्नेलाई होली मनाउन नपाउने गरी दिनभर सडकमै रोकिने

क्यापिटल नेपाल बिहीबार, फागुन २९, २०८१

काठमाडौं। उपत्यकामा होली पर्वलाई मध्यनजर गरी सुरक्षा व्यवस्था चुस्त पारिएको छ। आज बिहानैदेखि उपत्यकाको तीनवटै जिल्ला काठमाडौं, ललितपुर र भक्तपुरमा ट्राफिक जाँच अभियान तीव्र पारिएको उपत्यका ट्राफिक प्रहरी कार्यालयका प्रमुख, प्रहरी वरिष्ठ उपरीक्षक विनोद घिमिरेले जानकारी दिए।

उनका अनुसार यसपटक ट्राफिक कारबाही गर्नुका साथै उनीहरुलाई होली मनाउन नपाउने गरी दिनभर सडकमा रोकिने छ। उनले भने “हामीले नियम उल्लङ्घन गर्ने जो कोहीलाई ट्राफिक जाँचस्थलमा कानुनी कारबाही त गरिन्छ नै त्यसका अलावा सोही स्थानमा दिनभर गाडी रोकेर राखिन्छ।”

त्यसका लागि उपत्यकामा १२० भन्दाबढी जाँच स्थल तोकेर प्रहरी परिचालन गरिएको छ। ट्राफिक प्रहरी र जनपथ प्रहरीले संयुक्त रूपमा जाँच अभियान चलाएको छ। हरेक ठाउँमा संयुक्त परिचालन भएको र मादक पदार्थ सेवन तथा लागु पदार्थ सेवनका लागि आवश्यक उपकरण तथा टोली संयुक्त रूपमा खटाइएको पनि उनले बताए।

प्रकाशित मिति: बिहीबार, फागुन २९, २०८१ १२:५०

प्रतिक्रिया दिनुहोस्