सात महिनामा व्यापार घाटा ५.३३ प्रतिशत घट्यो

मुख्य समाचार

गृहपृष्ठ
मुख्य समाचार

सात महिनामा व्यापार घाटा ५.३३ प्रतिशत घट्यो

क्यापिटल नेपालसोमबार, फागुन १२, २०७६

काठमाडौं । चालू आर्थिक वर्ष २०७६/०७७ को सात महिनामा मुलुकको व्यापार घाटा घट्दै गएको देखिएको छ । गत आवको सोहि अवधिको तुलनामा यो बर्ष व्यापार घाटा ५.३३ प्रतिशतले घटेको भन्सार विभागले जनाएको छ ।

गत बर्ष नेपालको व्यापार घाटा ७ खर्ब ८० अर्ब १८ करोड ९६ लाख ६३ हजार रुपैयाँले थियो । तर, चालू आवमा ७ खर्ब ३८ अर्ब ६३ करोड १५ लाख ८६ हजार रुपैयाँ पुगेको छ ।

समिक्षा अवधिमा आयात र निर्यातको अवस्थामा पनि सुधार भएको छ ।गत बर्षको सात महिनाको तुलनामा चालु आवमा आयात ३.५६ प्रतिशतले घटेको छ भने निर्यात २२.४१ प्रतिशतले बढेको छ ।

यो अवधिमा ६४ अर्ब ९७ करोड १२ लाख २७ रुपैयाँ बराबरको वस्तु तथा सेवा निर्यात गरेको छ । गत वर्षको यही अवधिमा ५३ अर्ब ७ करोड ८ हजार ७५६ रुपैयाँको वस्तु तथा सेवा निर्यात गरेको थियो ।

प्रकाशित मिति: सोमबार, फागुन १२, २०७६ १६:१०

प्रतिक्रिया दिनुहोस्