पर्वतारोही कामीले ३१औं पटक सगरमाथा आरोहण गर्दै, लुम्बिनी विकास बैंकले दियो लोगो अंकित ब्यानर

बैंकिङ

गृहपृष्ठ
बैंकिङ

पर्वतारोही कामीले ३१औं पटक सगरमाथा आरोहण गर्दै, लुम्बिनी विकास बैंकले दियो लोगो अंकित ब्यानर

क्यापिटल नेपालमंगलबार, वैशाख २, २०८२

काठमाडौं। किर्तिमानी पर्वतारोही कामी रिता शेर्पाले ३१औं पटक विश्वकै सर्वोच्च शिखर सगरमाथा आरोहण गर्ने भएका छन्। उनले आफ्नो लागि मात्र नभएर आफ्नो परिवार, शेर्पा समाज तथा देशको लागि ३१औं पटक आरोहण गर्न लागेको जानकारी दिए।

लुम्बिनी विकास बैंकमा निरन्तर सहयात्रा गर्दै आएका उनलाई बैंकले आफ्नो लोगो अंकित ब्यानर दिएको छ। सगरमाथा आरोहणको लागि जान लागेको अवसरमा सफलताको शुभकामना कार्यक्रम आयोजना गर्दै बैंकले उक्त ब्यानर दिएको हो।

सो कार्यक्रममा बैंकका प्रमुख कार्यकारी अधिकृत नरेश सिंह बोहराले तेस्रो पटक बैंकको लोगो अंकित ब्यानर सगरमाथामा पुर्‍याउनका लागि उनलाई हस्तान्तरण गरे। उनको यस साहसिक कार्यले गौरवान्वित बनाएको लुम्बिनी विकास बैंकले बताएको छ।