पछिल्लो नौ महिनामा वस्तु तथा सेवाको निर्यात र आयात बढ्यो, व्यापार घाटा कति?

अर्थतन्त्र

गृहपृष्ठ
अर्थतन्त्र

पछिल्लो नौ महिनामा वस्तु तथा सेवाको निर्यात र आयात बढ्यो, व्यापार घाटा कति?

क्यापिटल नेपालआइतबार, वैशाख ७, २०८२

काठमाडौं। नेपालबाट हुने वस्तु तथा सेवाको निर्यात ६५.१६ प्रतिशतले बढेको छ। चालू आर्थिक वर्ष २०८१/८२ को नाै महिना (साउनदेखि चैतसम्म)मा नेपालबाट १ खर्ब ८८ अर्ब १९ करोड रुपैयाँ बराबरको वस्तु तथा सेवा निर्यात भएको छ। जुन गत वर्षको तुलनामा ६५.१६ प्रतिशतले बढी हो।

गत आर्थिक वर्षको सोही अवधिमा नेपालबाट कुल १ खर्ब १३ अर्ब ९४ करोड रुपैयाँ बराबरको वस्तु तथा सेवा निर्यात भएको थियो। निर्यातमा उल्लेख्य वृद्धि भएसँगै आयात पनि १२ प्रतिशतले बढेको छ। चालु आर्थिक वर्षको चैत मसान्तसम्म विभिन्न मुलुकबाट १३ खर्ब ९ अर्ब ५३ करोड रुपैयाँ बराबरको वस्तु तथा सेवा आयात भएको छ।

गत वर्षको सोही अवधिमा ११ खर्ब ६७ अर्ब ३६ करोड रुपैयाँ बराबरको वस्तु तथा सेवा आयात भएको थियो। जुन चालु आर्थिक वर्षको तुलनामा १२.१८ प्रतिशतले कमि थियो।

गत वर्षको तुलनामा व्यापार घाटा भने ६.४५ प्रतिशतले बढेको छ। चालु आर्थिक वर्षको चैतसम्म नेपालको व्यापार घाटा ११ खर्ब २१ अर्ब ३३ करोड रुपैयाँ रहेको छ। गत वर्षको सोही अवधिमा भने यस्तो व्यापार घाटा १० खर्ब ५३ अर्ब ४२ करोड रुपैयाँ रहेको थियो।

प्रकाशित मिति: आइतबार, वैशाख ७, २०८२ १४:३३

प्रतिक्रिया दिनुहोस्