मन्त्री यादवद्वारा धौलिगाड खाने पानी आयोजनाको अनुगमन

पूर्वाधार

गृहपृष्ठ
पूर्वाधार

मन्त्री यादवद्वारा धौलिगाड खाने पानी आयोजनाको अनुगमन

क्यापिटल नेपाल आइतबार, वैशाख ७, २०८२

काठमाडौं। खाने पानी मन्त्री प्रदीप यादवले जिल्लामा निर्माणधीन खानेपानी आयोजनाको अनुगमन गरेका छन्। शनिबार जुम्ला पुगेका उनले तातोपानी गाउँपालिका १ मा निर्माणाधीन धौलिगाड खानेपानी आयोजनाको अवलोकन गरेका हुन्।

आयोजना अनुगमनपछि सञ्चारकर्मीसँगको छलफलमा मन्त्री यादवले कर्णाली प्रदेशका दुर्गम जिल्लासहित जुम्लाका स्थानीयले वर्षौंदेखि भोग्दै आएका खानेपानीसहित विविध समस्या समाधान गर्ने प्रतिबद्धता व्यक्त गरे। 'यहाँका विद्यमान समस्याका बारेमा प्रत्यक्ष जानकारी लिने अवसर पाएँ। ती समस्या समाधान गर्न योजनाबद्ध रूपमा काम गर्दै जाने छौँ,' उनले भने।

जिल्लाको हिमा गाउँपालिका १ देवारगाउँमा आज आयोजना हुने बास सम्मेलनमा सहभागिता जनाउन, यहाँको खानेपानीसम्बन्धी समस्या बुझेर समाधानका उपाय पहिचान गर्न मन्त्री यादवसहित मन्त्रालयका सचिव इञ्जिनियर प्रमिलादेवी शाक्य बज्राचार्य, खानेपानी तथा ढल व्यवस्थापन विभागका महानिर्देशक इञ्जिनियर रामकुमार श्रेष्ठलगायत मन्त्रालयका कर्मचारी पुगेका हुन्।