२० वर्षपछि करिब साढे १ कराेडमा अछेते–भिमापोखरा सडक स्तरोन्नति

पूर्वाधार

गृहपृष्ठ
पूर्वाधार

२० वर्षपछि करिब साढे १ कराेडमा अछेते–भिमापोखरा सडक स्तरोन्नति

क्यापिटल नेपाल शुक्रबार, वैशाख १२, २०८२

बागलुङ। २० वर्षपछि अछेते–भिमापोखरा सडक एक करोड ५० लाख लागतमा स्तरोन्नति गरिएको छ। उक्त सडकको पाँच किलोमिटरमध्ये आठ स्थानमा ढलान गरिएको छ भने केही स्थानमा पहिरो रोकथामका लागि सडक चौडा पारिएको छ।

काठेखोला गाउँपालिकाका अध्यक्ष राजु थापाका अनुसार काठेखोला गाउँपालिकाको ५० लाख र भिमापोखरा वडा कार्यालयको २० लाख गरी ७० लाखको लागतमा सडक स्तरोन्नति गरिएको हो।

पूर्वाधार विकास कार्यालयबाट प्राप्त ८० लाख ढलान तथा पहिरो नियन्त्रणमा खर्च भएको छ। केही स्थानमा काम जारी छ। चार स्थानमा पहिरो नियन्त्रण गर्ने पूर्वाधार बनाइने छ।

गाउँपालिकाले अछेते–भिमापोखरा सडकलाई कालोपत्र गर्न पर्याप्त बजेट विनियोजन नभएकाले केन्द्र सरकारसमक्ष अनुरोध गरिएको तथा विस्तृत परियोजना प्रतिवेदन पनि प्रस्तुत गरिएको अध्यक्ष थापाले जानकारी दिए।

प्रकाशित मिति: शुक्रबार, वैशाख १२, २०८२ ११:४०

प्रतिक्रिया दिनुहोस्