गभर्नर नियुक्ति गर्न सरकारले हटाएको उमेर हद लागू नगर्न सर्वोच्चको आदेश

बैंकिङ

गृहपृष्ठ
बैंकिङ

गभर्नर नियुक्ति गर्न सरकारले हटाएको उमेर हद लागू नगर्न सर्वोच्चको आदेश

क्यापिटल नेपाल बुधबार, वैशाख २४, २०८२

काठमाडौं। सरकारले अर्थ मन्त्रालय सम्बन्ध निकायको पदाधिकारी तथा सदस्य नियुक्तिमा मापदण्ड संशोधन गरी उमेर हद हटाएसँगै सर्वोच्च अदालतमा दायर रिटमा पुनः तत्कालका लागि स्थगित गर्न आदेश दिएको छ।

यसअघि सर्वोच्चले सरकारले नेपाल राष्ट्र बैंकको गभर्नर नियुक्ति गर्न उमेर हद संशोधन गरेको थियो। यस मुद्दामा अदालतले परमादेश जारी गरेको थियो।

मुद्दाको टुंगो लाग्न समय लाग्ने भएकाले उमेरजन्य योग्यता नराखी गभर्नर नियुक्ति प्रक्रिया अघि बढाउन नदिन अन्तरिम आदेश दिएको हो।

सर्वोच्च अदालतका प्रधानन्यायाधीश र न्यायाधीशदेखि संवैधानिक अंगका पदाधिकारीको नियुक्तिमा उमेर हद हुँदा गभर्नरको उमेर हद हटाउनु शंकास्पद भएको भन्दै विशाल थापासहितका अधिवक्ताहरूले रिट दायर गरेका थिए।

अर्थ मन्त्रालयले आफू सम्बद्ध सार्वजनिक निकायका पदाधिकारी तथा सदस्यको नियुक्ति तथा मनोनयनसम्बन्धी मापदण्ड, २०७३ को दफा ३९ (ग) हटाएर गभर्नर नियुक्तिमा उमेर हद हटाएको थियो।

यसअघिका मापदण्डमा कार्यकारी प्रमुखका हकमा ३० वर्ष र कार्यकारी प्रमुख्बाहेक अन्य पदाधिकारी र सदस्यको हकमा पैतिस वर्ष उमेर पूरा भई ६५ वर्ष उमेर ननाघेको हुनुपर्ने व्यवस्था थियो।

प्रकाशित मिति: बुधबार, वैशाख २४, २०८२ १८:१७