गभर्नर सिफारिस समितिका सदस्य अधिकारीविरुद्ध सर्वोच्चमा रिट दायर

बैंकिङ

गृहपृष्ठ
बैंकिङ

गभर्नर सिफारिस समितिका सदस्य अधिकारीविरुद्ध सर्वोच्चमा रिट दायर

क्यापिटल नेपाल बिहीबार, वैशाख २५, २०८२

काठमाडौं। सरकारले गठन गरेको गभर्नर सिफारिस समितिका सदस्य निवर्तमान गभर्नर महाप्रसाद अधिकारीको योग्यताबारे सर्वोच्च अदालतमा रिट दायर भएको छ।

अधिवक्ता नवीन धितालले तीन सदस्यीय सिफारिस समितिमा अधिकारी बस्न नमिल्ने भन्दै समितिले सिफारिस गरे गैरकानुनी हुने जिकीर गर्दै रिट दायर गरेका हुन्।

बहाल हुँदाको अवस्थामा गठन भएको समितिमा पूर्वगभर्नरको हैसियतमा अधिकारी बस्नु गैरकानुनी रहेको निवेदकले दाबी गरेका छन्। नेपाल राष्ट्र बैंकको गभर्नरबाट अधिकारीले उमेर हदका कारण गत २४ चैतमा अवकाश पाएका थिए।

सरकारले अर्थमन्त्री विष्णुप्रसाद पौडेलको अध्यक्षतामा ११ चैतमा गभर्नर सिफारिस समिति गठन गरेको थियो। समितिमा राखिएका पूर्वगभर्नर विजयनाथ भट्टराईले राजीनामा दिएपछि अधिकारीलाई नियुक्त गरिएको हो।a

प्रकाशित मिति: बिहीबार, वैशाख २५, २०८२ २०:१७

प्रतिक्रिया दिनुहोस्