ट्रकले ठक्कर दिँदा मोटरसाइकल चालकको मृत्यु

समाज

गृहपृष्ठ
समाज

ट्रकले ठक्कर दिँदा मोटरसाइकल चालकको मृत्यु

क्यापिटल नेपालशनिबार, जेठ ३, २०८२

काठमाडौं। काठमाडौंको कागेश्वरी मनोहरा नगरपालिका ९ राडरस्थित सडकमा ट्रकको ठक्करबाट मोटरसाइकल चालकको मृत्यु भएको छ।

आज दिउँसो बा६०प १७९५ नंको मोटरसाइकललाई बाप्र-०३-००१ ख १२४७ नंको ट्रकले ठक्कर दिँदा मोटरसाइकल चालक गोरखा घर भएका ३४ वर्षीय सुरज खड्काको मृत्यु भएको जिल्ला प्रहरी परिसर काठमाडौंले जनाएको छ।

दुर्घटनामा गम्भीर घाइते भएका उहाँको बानेश्वरस्थित सिभिल अस्पतालमा उपचारका क्रममा मृत्यु भएको परिसरका प्रवक्ता प्रहरी उपरीक्षक अपिलराज बोहराले जानकारी दिए। ट्रक चालकलाई प्रहरीले नियन्त्रणमा लिएको छ।

यस्तै, प्रहरीले दिएको जानकारी अनुसार काठमाडौं महानगर ८ पशुपति मन्दिर पोडेपाटी नजिक रहेको गोपाल न्यौपानेको गाई-बाच्छा मठमन्दिर बचाउ तथा समाज विकास अभियानको टहरामा विद्युत् चुहावट भई आगलागी हुँदा गएराति करिब ४० लाख बराबरको धनमाल जलेर नष्ट भएको छ।

ललितपुरको महालक्ष्मी नगरपालिका ८ नरकटे उखुटोलस्थित काठमाडौं महानगर २६ ठमेल बस्ने चरण चौधरीको नर्भिक इन्स्टिच्युट अफ टेक्नोलोजी नेपाली प्राइभेट लिमिटेड कम्पनीको गोदाममा समेत विद्युत् चुहावट भई आगलागी प्रहरीले जनाएको छ।

आगलागी हुँदा १२ वटा एलिग्रेटर ड्राफ्ट मेसिन जलेर करिब ७७ लाख बराबरको धनमाल नष्ट भएको प्रहरी प्रधान कार्यालयले जनाएको छ।

प्रकाशित मिति: शनिबार, जेठ ३, २०८२ १९:५७

प्रतिक्रिया दिनुहोस्