एकै परिवारका ६ सदस्यले गरे मकालु हिमाल आरोहण

पर्यटन

गृहपृष्ठ
पर्यटन

एकै परिवारका ६ सदस्यले गरे मकालु हिमाल आरोहण

क्यापिटल नेपालमंगलबार, जेठ ६, २०८२

काठमाडौं। एकै परिवारका ६ सदस्यले एकै दिन मकालु हिमाल आरोहण गरेका छन्। संखुवासभाको मकालु गाउँपालिका–२ का एकै परिवारका ५ दाजुभाइ र बहिनीसहित ६ सदस्यले ८,४८५ मिटर अग्लो मकालु आरोहण गरेका हुन्।

विश्व कीर्तिमानका लागि मकालु–२ का ङिमा ओङ्जुक शेर्पाका पाँच छोरा, एउटी छोरीले गत वैशाख २६ मा मकालु हिमाल आरोहण गरेको आरोही दलका सदस्य मुक्टुक लाक्पा शेर्पाले बताए।

एकै परिवारको कीर्तिमानीका लागि मुक्कुट, उनका भाइहरू ङिमा दोर्ची शेर्पा, आङ डी शेर्पा, पेछुम्बे शेर्पा र बहिनी पासाङ शेर्पाले एकसाथ आरोहण गरेका हुन्।

मकालु हिमालमा एउटै परिवारका पाँच छोराछोरीले आरोहण गरेर कीर्तिमानी राख्ने आफ्नो परिवार पहिलो भएको बहिनी पासाङ याङ्जीले दाबी गरिन्।

यसअघि उनका चार दाजुभाइले विश्वको दोस्रो अग्लो पाकिस्तानको केटु हिमाल(८६११मिटर) एकसाथ आरोहण गरिसकेका छन्। एकै परिवारका चार दाजुभाइले एकै पटक आरोहण गरी कीर्तिमान् राखेका थिए। मकालु विश्वको पाँचौ अग्लो हिमाल हो।

प्रकाशित मिति: मंगलबार, जेठ ६, २०८२ ०८:४०

प्रतिक्रिया दिनुहोस्