एभरेष्ट बैंकको सिन्धुलीमा १३२औँ शाखा विस्तार

बैंकिङ

गृहपृष्ठ
बैंकिङ

एभरेष्ट बैंकको सिन्धुलीमा १३२औँ शाखा विस्तार

क्यापिटल नेपालमंगलबार, जेठ ६, २०८२

काठमाडौं। एभरेष्ट बैंकले सिन्धुलीमा १३२औँ शाखा विस्तार गरेको छ। बैंकले कमलामाई नगरपालिका-६ मा आफ्नो १३२औँ शाखा विस्तार गरेको हो।

यो शाखासँगै बागमती प्रदेशमा बैंकको शाखा संख्या ४७ पुगेको छ। कमलामाई नगरपालिकाका मेयर उपेन्द्र कुमार पोखरेल र बैंकका सञ्चालक समितिका अध्यक्ष डा. बालगोपाल वैद्यबाट संयुक्त रुपमा सोमाबार आयोजना गरिएको उद्घाटन समारोहमा वडाध्यक्ष उज्वल कुमार थापा, सिन्धुली उद्योग वाणिज्य संघका वरिष्ठ उपाध्यक्ष देव नारायण श्रेष्ठ, प्रहरी नायव उपरीक्षक सूर्य प्रकाश सुबेदी, बैंकका प्रमुख कार्यकारी अधिकृत सुदेश खालिङ तथा बैंकका कर्मचारीहरुलगायत स्थानीयवासीको उपस्थिती रहेको थियो।

सो उद्घाटन समारोहमा मेयर पोखरेलले बैंकले गुणस्तरीय सेवा, सुविधा र सन्तुलित लगानी गर्ने विश्वास प्रकट गरे। यस्तै, बैंकका सञ्चालक समितिका अध्यक्ष डा.वैद्यले एभरेष्ट बैंकको शाखा कार्यालय सिन्धुलीमा सञ्चालनमा आएसँगै यहाँका बासिन्दाहरुलाई सबल, सरल, उत्कृष्ट साथै अत्याधुनिक तथा गुणस्तरीय बैंकिङ्ग सेवा प्रदान गराउने प्रतिबद्धता व्यक्त गरे।