नवनियुक्त गभर्नर पौडेलले भने ‘प्रतिस्पर्धी वित्तीय क्षेत्र र पुँजी बजार पहिलो प्राथमिकता’

बैंकिङ

गृहपृष्ठ
बैंकिङ

नवनियुक्त गभर्नर पौडेलले भने ‘प्रतिस्पर्धी वित्तीय क्षेत्र र पुँजी बजार पहिलो प्राथमिकता’

क्यापिटल नेपाल मंगलबार, जेठ ६, २०८२

काठमाडौं। नेपाल राष्ट्र बैंकका नवनियुक्त गभर्नर डा. विश्व पौडेलले प्रतिस्पर्धी वित्तीय क्षेत्र र पुँजी बजारलाई प्राथमिकतामा राखेर काम गर्ने बताएका छन्।

क्यापिटल नेपालसँग कुरा गर्दै गभर्नर पौडेलले अहिले समस्यामा रहेको अर्थतन्त्रलाई सुधार्न नीतिगत तहमै काम गर्ने बताए। बैंकलाई केन्द्रीय बैंकले अधिक नियन्त्रण गरिरहेका बेला डा. पौडेलले प्रतिस्पर्धी वित्तीय क्षेत्र बनाउने र सोही अनुसार पुँजी बजारलाई समेत सहयोग हुने गरी वित्तीय स्रोत प्रवाहमा सहजीकरण गर्ने रणनीति अपनाउने बताएका हुन्।

अर्थतन्त्र समस्यामा छ। यसलाई उकास्न सबै क्षेत्रको मनोबल उकास्ने गरी केन्द्रीय बैंकले आफ्नोतर्फबाट भूमिका निर्वाह गर्ने बताए।
अहिले बैंकमा खराब कर्जाको ग्राफ उकालो लागिरहेको छ। बैंकिङ क्षेत्र स्ट्रेसमा छ। यो अवस्थाबाट बाहिर निकाल्न केन्द्रीय बैंकले विशेष भूमिका निर्वाह गर्ने उनको भनाइ छ।

अहिलेको आवश्यता भनेको वित्तीय क्षेत्रलाई प्रतिस्पर्धी बनाउने र अर्थतन्त्रको ऐनाको रुपमा रहेको पुँजी बजारको दिगो विकासको लागि बैंकिङ क्षेत्रले सहयोग गर्ने हो’ गभर्नर डा. पौडेलले भने।

नव नियुक्त गभर्नर पौडेलले अर्थतन्त्रलाई सुधार गर्ने, बैंक तथा वित्तीय क्षेत्रको सेवालाई प्रतिस्पर्धी बनाउने र अर्थतन्त्रको ऐनाको रुपमा रहेको पुँजी बजारमा वित्तीय स्रोत परिचालन गर्न सहज नीति ल्याउने बताएका हुन्।

प्रकाशित मिति: मंगलबार, जेठ ६, २०८२ १९:२४

प्रतिक्रिया दिनुहोस्