काठमाडाैं। ढाका रिपोर्टर्स युनिटीमा मलेसियन श्रम बजार खुला गर्ने प्रस्तावमा आयोजित पत्रकार सम्मेलनलाई लिएर बंगलादेशको वैदेशिक रोजगार संघका दुई पक्षबीच झडप भएको छ। झडपका क्रममा केही सदस्य घाइते भएका छन्।
गत सोमबार बिहान करिब ११ बजे संघ का पूर्व उपाध्यक्ष रियाज उल इस्लाम र पूर्व महासचिव फखरुल इस्लाम नेतृत्वको समूहले ढाका रिपोर्टर्स युनिटी को सागर रुनी सभाहलमा पत्रकार सम्मेलनको आयोजना गरेका थिए। उनीहरूले मलेसियन श्रम बजारमा अब सबै म्यानपावर कम्पनीलाई सहभागी गराउने प्रस्तावलाई स्वागत गर्दै यसको कार्यान्वयन आगामी संयुक्त कार्यदल बैठकमा हुनुपर्ने माग राखेका थिए।
तर, पत्रकार सम्मेलन सुरु हुनुअघि नै अर्को पक्षले हलमा प्रवेश गर्न खोज्दा विवाद सुरु भयो। बहस चर्किंदै गएपछि फखरुल इस्लाममाथि हातपात भयो। उनी भागेर क्राइम रिपोर्टर्स एशोसिएसन अफ बंगलादेश को कार्यालयमा शरण लिन बाध्य भए, जहाँ उनलाई केही समयसम्म घेरी राखिएको थियो।
रियाज उल इस्लामले बंगलाट्रिब्यूनसँग भने, “यो हाम्रो शान्तिपूर्ण कार्यक्रममा यति अपत्यारिलो घटना भयो। हामीलाई पत्रकार सम्मेलन गर्न दिइएन। फखरुललाई हाम्रो माझबाट खोसियो। ढाका रिपोर्टर्स युनिटी को प्रशासनिक कार्यालय तोडफोड भयो। हाम्रो चार-पाँच जना साथीहरू घाइते भए। अहिले प्रहरी आइरहेको छ।”
दुवै पक्षबीच प्रहरीको उपस्थितिमा पनि झडप जारी रहेको बताइएको छ। ढाका रिपोर्टर्स युनिटी का महासचिव मैनुल हसन सोहेलका अनुसार चौथो तलादेखि तल्लो तलासम्म तोडफोड भएको छ। सिसिटिभी फुटेजमा सबै देखिएको छ र दोषीहरूमाथि कारबाही गरिने उनले बताए।
दोस्रो पक्षका प्रतिनिधिहरू अतिकुर रहमान र सज्जाद हुसेनले भने, “हामी सहभागी हुन आएका थियौं, तर हलमा पस्न दिइएन। आयोजकले भनेका थिए, फखरुल साहेब आएपछि सँगै प्रवेश गर्ने, तर उनले केवल तीन-चार जनालाई मात्र भित्र जान दिए। बाँकीलाई ठाउँ नभएको भन्दै रोकियो। त्यसैले विवाद सुरु भयो।”
शहबाग प्रहरी थाना प्रमुख खालिद मन्सुरका अनुसार, “सानो विषयलाई लिएर दुई समूहबीच झगडा भयो। ढाका रिपोर्टर्स युनिटीको नेतृत्व र दुवै पक्षका प्रतिनिधिहरूसँग छलफल गरेर समाधान निकाल्ने प्रयास भएको जनाएको छ।”
