यातायात कार्यालय बाराद्वारा १ करोड २१ लाख राजस्व संकलन

अर्थतन्त्र

गृहपृष्ठ
अर्थतन्त्र

यातायात कार्यालय बाराद्वारा १ करोड २१ लाख राजस्व संकलन

क्यापिटल नेपाल सोमबार, जेठ १२, २०८२

पर्सा। यातायात व्यवस्था कार्यालय बारा कलैयाले चालू आर्थिक वर्षको जेठ पहिलो सातासम्मको अवधिमा आठ करोड २१ लाख ७० हजार १३२ राजस्व संकलन गरेको छ। कार्यालय प्रमुख अविन्दर दासले कार्यालयले चालू आवको १० महिने अवधिमा उत्साहप्रद राजस्व संकलन गर्दै आइरहेको जानकारी दिए।

‘कार्यालयले औषतमा मासिक ६१ लाख हाराहारी राजस्व संकलन गर्दै आइरहेको छ’, उनले भने। कार्यालयले चालू आवमा सबैभन्दा धेरै राजस्व सवारीसाधन करतर्फ तीन करोड ८३ लाख ८७ हजार २६७ रकम राजस्व संकलन गरेको छ। कार्यालयले चालू आवमा सवारी चालक अनुमतिपत्र पास नयाँतर्फ एक करोड ६९ लाख ६५ हजार राजस्व संकलन गरेको छ।

त्यस्तै अनुमतिपत्र पास थपतर्फको शीर्षकमा २८ लाख ४२ हजार राजस्व संकलन गरेको छ। अनुमतिपत्र दर्ता नयाँ शीर्षकमा ८३ लाख ७६ लाख राजस्व संकलन भएको छ ।

अनुमतिपत्र दर्ता थप शीर्षकमा ३३ लाख ६२ हजार, अनुमतिपत्र नवीकरणतर्फ २७ लाख १६ हजार, सवारी विविधतर्फ आठ लाख २८ हजार ९५० राजस्व संकलन गरेको छ। यस्तै आयकरतर्फ आठ लाख ६० हजार ५२५ र पटके करतर्फ ३९ लाख ९२ हजार ४० रकम राजस्व संकलन गरेको छ।–रासस

प्रकाशित मिति: सोमबार, जेठ १२, २०८२ ०६:५७

प्रतिक्रिया दिनुहोस्