किसानलाई थप डिजिटल सुविधा प्रदान गर्न ‘सुपर कृषक प्रो’

कर्पोरेट बजार

गृहपृष्ठ
कर्पोरेट बजार

किसानलाई थप डिजिटल सुविधा प्रदान गर्न ‘सुपर कृषक प्रो’

क्यापिटल नेपाल मंगलबार, जेठ १३, २०८२

काठमाडौं। सुपर कृषक एपले थप अतिरिक्त सेवा "सुपर कृषक प्रो" अन्तर्गत प्रिमियम डिजिटल कृषि सेवाहरु ल्याएको छ। जेठ १२ गतेदेखि सुपर कृषक एपले उच्च क्वालिटी, ज्ञान मुलक कृषि तालिम र किसानका समस्या तत्काल सुल्झाउने कृषक सञ्जाल सुविधा ल्याएको हाे।

सुपर कृषक एपका प्रिमियम सेवाहरु प्रयोग गर्नको लागि अहिले कृषकले इसेवामार्फत, सुपर कृषक एपमार्फत नै लगइन गरी तिर्न सक्नेछन्। इसेवा एपमा गएर सुपर कृषक एप खोजेर आफ्नो सुपर कृषक आइडी (सम्पर्क नम्बर) राखी दैनिक ५ रुपियाँ तिरेर पनि एपको यी सेवा उपयोग गर्न सकिने कम्पनीले बताएकाे छ।

एक पटकको सब्क्रिप्सनको कुल लागत १५ रुपियाँ लाग्ने छ र किसानले एक पटक सेवा प्रयोग बापतको पैसा तिरेपछि तिन दिन सम्म सुपर कृषक प्रो बन्नेछन्।

प्रिमियम सेवाअन्तर्गत रहेको सिकौँ सुविधामार्फत किसानले घरमै बसेर उच्च क्वालिटीको तालिममा सहभागि हुन पाउने कम्पनीले जनाएकाे छ।

अहिले एपमा ऋण, अनुदान प्राप्त गर्न कृषि प्रस्तावना कसरी लेख्ने, आधुनिक कृषि प्रविधि कसरी प्रयोग गर्ने, प्राङ्गारिक कृषि कसरी गर्ने र सो को प्रमाणीकरण कसरी प्राप्त गर्ने लगायतका विविध विषयमा तालिमहरु उपलब्ध रहेकाे कम्पनीले बताएकाे छ। तालिम सँगसँगै तालिम लिइसकेपछी सो विषयको दक्षता प्रमाणीकरण गर्ने प्रमाणपत्र पनि प्राप्त गर्न सक्नेछन्।

प्रकाशित मिति: मंगलबार, जेठ १३, २०८२ ११:२५