प्रभुले थप्यो एयरबस एच १२५ हेलिकोप्टर

पर्यटन

गृहपृष्ठ
पर्यटन

प्रभुले थप्यो एयरबस एच १२५ हेलिकोप्टर

क्यापिटल नेपाल बुधबार, जेठ १४, २०८२

काठमाडौं। प्रभु हेली लिमिटेडले फ्रान्सको प्रसिद्ध वायुयान निर्माता कम्पनी एयरबसद्वारा निर्मित नयाँ हेलिकोप्टर थपेको छ। कम्पनीले कल साइन ९एन‑एएनटी रहेको एयरबसएच १२५ हेलिकोप्टर थपेको हो।

एयरबसको एच १२५ हेलिकोप्टरले दुर्गम तथा उच्च भूभागमा सुरक्षित, भरपर्दो र प्रभावकारी सेवा पुर्याउन उत्कृष्ट भएकाले खरिद गरिएको कम्पनीका अध्यक्ष सुभाष अमात्यले जानकारी दिए।

अत्याधुनिक प्रविधि जडित यो एच १२५ (एएस ३५० बी ३ई) हेलिकोप्टर ५ यात्रु सिट क्षमताको छ। एयरबस एच १२५ हेलिकोप्टर हाइ अल्टिच्युडमा उत्कृष्ट प्रदर्शन क्षमताका कारण विश्वभर बहुउपयोगी र सुरक्षित रूपमा परिचित रहेको कम्पनीले जनाएको छ। कम्पनीले पर्यटन, आकस्मिक स्वास्थ्य उद्धार, सामग्री ढुवानी तथा मानवीय उद्धार कार्यका लागि यो हेलिकोप्टर प्रयोग गर्नेछ।

image.-1748419675.jpeg
प्रभुले ल्याएको (एन‑एएनटी कलसाइनको एयरबस एच १२५) हेलिकोप्टरलाई नेपाल नागरिक उड्डयन प्राधिकरणबाट कम्पनीको एओसीमा नयाँ हेलिकोप्टर थप गरी व्यावसायिक उडानका लागि अनुमति दिइएको प्राधिकरणका सूचना अधिकारी ज्ञानेन्द्र भुलले बताए।

२०७२ असोजमा प्रभु ग्रुपद्वारा स्थापित प्रभु हेलीले तत्कालीन मुक्तिनाथ हेलिकोप्टरलाई १० वर्षअगाडि अधिग्रहण गरेको थियो। नयाँ हेलिकोप्टर भित्र्याएसँगै प्रभु हेलीसँग दुइटा एयरबस एच १२५ हेलिकोप्टर भएका छन्।

प्रकाशित मिति: बुधबार, जेठ १४, २०८२ १३:५३

प्रतिक्रिया दिनुहोस्