निजी क्षेत्रलाई सहयोग पुग्ने बजेट : महासंघ अध्यक्ष ढकाल

अर्थतन्त्र

गृहपृष्ठ
अर्थतन्त्र

निजी क्षेत्रलाई सहयोग पुग्ने बजेट : महासंघ अध्यक्ष ढकाल

क्यापिटल नेपालशनिबार, जेठ १७, २०८२

काठमाडौं। नेपाल उद्योग वाणिज्य महासंघ अध्यक्ष चन्द्रप्रसाद ढकालले जेठ १५ मा उपप्रधान एवं अर्थमन्त्री विष्णु पौडेलले सार्वजनिक गरेको आगामी आर्थिक वर्ष २०८२/८३ को बजेट निजी क्षेत्रलाई सहयोग पुग्ने गरी आएको बताएका छन्।

ज नेपाल आर्थिक पत्रकार संघ (नाफिज)ले आयोजना गरेको पोस्ट बजेट छलफलमा उनले यस्तो बताएका हुन्।

अध्यक्ष ढकालले नेपालीलाई विदेशमा लगानी गर्न दिने निर्णय पनि ऐतिहासिक भएको प्रतिक्रिया दिए। उनले भने, ‘नेपालीलाई विदेशमा लगानी गर्न दिने विषय निकै महत्त्वपूर्ण र ऐतिहासिक हो। समग्रमा निजी क्षेत्रलाई प्राथमिकता दिएर बजेट आएको छ। राम्रो निर्णय लिन निजी क्षेत्र सरकारको साथमा छ।’

उनले अब साधनस्रोत परिचालन गर्ने ठाउँमा ध्यान दिनुपर्ने सुझाए। खनिज र नदीजन्य पदार्थको उत्खनमा पनि ध्यान दिनुपर्ने आवश्यकता रहेको उनको भनाइ छ।

नयाँ बजेटले पर्यटन क्षेत्रमा प्राथमिकता दिएका उनले खुसी व्यक्त गरे। टीडीएस र करका कारण पर्यटक लागत बढेको हुँदा यसमा पनि सहज बनाउन आवश्यक रहेको अध्यक्ष ढकालको भनाइ छ।

बजेटमार्फत लगानी बोर्डलाई शक्तिशाली बनाइने घोषणा सकारात्मक रहेको उनले बताए । मौद्रिक नीति र बजेटबीच तालमेल मिलेमा उचित नतिजा आउने अध्यक्ष ढकालको भनाइ छ।

प्रकाशित मिति: शनिबार, जेठ १७, २०८२ १२:४८

प्रतिक्रिया दिनुहोस्