बालुवाटारमा सत्ता गठबन्धन दलको बैठक, बजेट पारित गर्ने विषयमा छलफल

राजनीति

गृहपृष्ठ
राजनीति

बालुवाटारमा सत्ता गठबन्धन दलको बैठक, बजेट पारित गर्ने विषयमा छलफल

क्यापिटल नेपालमंगलबार, असार १०, २०८२

काठमाडौं। प्रधानमन्त्रीको सरकारी निवास बालुवाटारमा सत्ता साझेदार राजानीतिक दलका शीर्ष नेता सम्मिलित बैठक बसेको छ।

एमाले अध्यक्षसमेत रहेका प्रधानमन्त्री केपी शर्मा ओलीको आह्वानमा बसेको बैठकमा कांग्रेस सभापति एवं पूर्वप्रधानमन्त्री शेरबहादुर देउवा, एमालेका वरिष्ठ उपाध्यक्ष ईश्वर पोखरेल, कांग्रेस नेता कृष्णप्रसाद सिटौला, लोकतान्त्रिक समाजवादी पार्टी नेपालका अध्यक्ष महन्थ ठाकुर, नागरिक उन्मुक्ति पार्टीका अध्यक्ष रञ्जिता श्रेष्ठ, जनमत पार्टीका अध्यक्ष डा. चन्द्रकान्त (सिके) राउत, जनता समाजवादी पार्टी नेपालका अध्यक्ष अशोककुमार राईलगायत सहभागी छन्।

प्रतिनिधिसभामा आगामी आर्थिक वर्षको विनियोजन विधेयकलाई निर्णयार्थ प्रस्तुत गर्ने सम्भावित कार्यसूची रहेको र सरकार सञ्चालनका विविध सन्दर्भमा बैठक भइरहेको जनाइएको छ। बैठकमा आगामी आर्थिक वर्षको बजेट पारित गर्ने विषयमा छलफल भइरहेको बताइएको छ।

आर्थिक वर्षको बजेटमाथि बाँकी मन्त्रीहरूले जवाफ दिएर आजै बजेट पारित गर्ने तयारी छ। विनियोजन विधेयकको पक्षमा मतदान गर्न कांग्रेस, एमालेले आफ्ना सांसदलाई ह्वीप जारी गरिसकेका छन्।

प्रकाशित मिति: मंगलबार, असार १०, २०८२ ११:४६

प्रतिक्रिया दिनुहोस्