एनआईसी एशियाका ग्राहकलाई हायातमा १५ प्रतिशत छुट

कर्पोरेट बजार

गृहपृष्ठ
कर्पोरेट बजार

एनआईसी एशियाका ग्राहकलाई हायातमा १५ प्रतिशत छुट

क्यापिटल नेपालसोमबार, चैत ३, २०७६

काठमाडौं । एनआईसी एशिया बैंकका ग्राहकले हायात रिजेन्सी होटलका विभिन्न सेवाहरूमा १५ प्रतिशत छुट दिने भएको छ । यस विषयमा बैंक र होटलबीच समझदारी भएको छ ।

यो योजना एक वर्षको लागि लागू हुने बैंक र होटलको समझदारी छ । समझदारीपत्रमा बैंकको तर्फबाट सहायक प्रमुख कार्यकारी अधिकृत सन्तोष कुमार राठी तथा होटलको तर्फबाट महाप्रबन्धक राजेश रामदासले हस्ताक्षर गरेका हुन् ।

समझदारी बमोजिम यस बैंकको डेबिट तथा क्रेडिट कार्ड प्रयोगकर्ताहरूले होटलको फूड, बेभरेज, स्पा तथा लाउण्ड्री सेवाहरू प्रयोग गरे वापत रकम भुक्तानी गर्दा कारोबार रकमको १५ प्रतिशत सम्म छुट पाउने छन् ।

साथै यस बैंकका कर्मचारीहरूलाई पनि सो योजना अनुसारको छुट उपलब्ध हुनेछ । यसैगरी ग्राहक महानुभावहरूले देशभरका २ हजार ४ सय वटा भन्दा बढी अस्पताल, होटल तथा रेष्टुरेन्ट, डिपार्टमेन्ट स्टोर लगायतमा सेवा लिई कारोबार रकमको ३० प्रतिशतसम्म छुट प्राप्त गर्न सक्नुहुनेछ ।

प्रकाशित मिति: सोमबार, चैत ३, २०७६ १७:४०

प्रतिक्रिया दिनुहोस्