धनगढीमा साढे ६८ करोडमा बागेश्वर रिफाइनरी तेल उद्योग बन्ने

उद्योग

गृहपृष्ठ
उद्योग

धनगढीमा साढे ६८ करोडमा बागेश्वर रिफाइनरी तेल उद्योग बन्ने

क्यापिटल नेपाल बुधबार, चैत १८, २०८२

काठमाडौं। धनगढीमा साढे ६८ करोड रुपैयाँ लागतमा बागेश्वर रिफाइनरी आयल उद्योग बन्ने भएको छ। कम्पनीले ६८ करोड ६० लाख रुपैयाँ लागतमा उद्योग निर्माण गर्ने योजना बनाएको हो। कम्पनीले दैनिक २०० टन क्षमतामा कच्चा तेल प्रशोधन गर्ने योजनासहित उद्योग निर्माण गर्न लागेको छ।

उद्योग निर्माणका लागि कम्पनीले ७०स्३० को लगानी अनुपात तय गरेको छ। कम्पनीले ४८ करोड २ लाख रुपैयाँ लगानी कर्जा लिई गर्नेछ भने बाँकी २० करोड ५८ लाख रुपैयाँ इक्वीटीमार्फत् लगानी गर्ने जनाएको छ।

कम्पनीका अनुसार हालसम्म कर्जा र इक्वीटीको व्यवस्थापन भइसकेको छ। अहिले उद्योग निर्माण प्राथमिक चरणमा छ। सन् २०२४ मा स्थापना भएको कम्पनीले दीर्घकालीन तथा अल्पकालीन कर्जाका लागि १ अर्ब ८८ करोड रुपैयाँको रेटिङ गराएको छ।

कम्पनीले कच्चा भटमासको तेल, सनफ्लावर तेल र पामोलिन आयात गरी प्रशोधन गर्दै कारोबार गर्ने जनाएको छ। कम्पनीको सम्पूर्ण लगानीकर्ता टेकबहादुर बोगटी हुन्। उनले बागेश्वर सुगर एन्ड केमिकल इन्डष्ट्रिज, बागेश्वर एग्रो इन्डष्ट्रिज र बागेश्वर फ्लोर मिल सञ्चालन गर्दै आएका छन्।

प्रकाशित मिति: बुधबार, चैत १८, २०८२ १४:५७

प्रतिक्रिया दिनुहोस्