कांग्रेस कार्यसमिति बैठक बस्दै, प्रदेश र केन्द्रका मन्त्रीले कामकाे फेहरिस्त बुझाउने

राजनीति

गृहपृष्ठ
राजनीति

कांग्रेस कार्यसमिति बैठक बस्दै, प्रदेश र केन्द्रका मन्त्रीले कामकाे फेहरिस्त बुझाउने

क्यापिटल नेपालसोमबार, असार १६, २०८२

काठमाडौं। सत्तारुढ नेपाली कांग्रेसको केन्द्रीय कार्यसमिति बैठक बस्दै छ। बैठकम पार्टीको आगामी रणनीति र संगठन सुदृढीकरणका विषयमा छलफल हुने कांग्रेसले जनाएको छ।

पार्टी सभापति शेरबहादुर देउवा निवास बूढानीलकण्ठमा आइतबार बसेको पार्टी पदाधिकारी एवं पूर्वपदधिकारी बैठकले आजदेखि बस्न लागेको केन्द्रीय कार्यसमितिको बैठकको एजेन्डा तय गरेको हो।

बैठकमा गठबन्धन सरकारको काम, भ्रातृ संस्थाको अवस्था र पार्टीको सक्रिय सदस्यता वितरण, नवीकरणलगायत विषयमा छलफल हुने प्रवक्ता डा प्रकाशशरण महतले बताए।

संघीय र प्रदेश सरकारमा सहभागी मन्त्रीहरूले आ–आफ्नो क्षेत्रको काम-कारबाहीबारे केन्द्रीय कार्यसमितिलाई जानकारी गराउनेछन्।

गठबन्धन सरकारको प्रभावकारिता र भावी रणनीतिबारे पनि छलफल हुने प्रवक्ता डा. महतको भनाइ छ।

बैठकले तोकिएको समयमा महाधिवेशन गर्न नसकेका भ्रातृ संस्थाको तदर्थ समितिको म्याद थप गर्ने वा नगर्ने विषयमा निर्णय लिनेछ। महामन्त्रीले पार्टीको सक्रिय सदस्यता वितरणको प्रगतिबारे बैठकमा जानकारी गराउने कार्यक्रम छ।

प्रकाशित मिति: सोमबार, असार १६, २०८२ ०७:५४

प्रतिक्रिया दिनुहोस्