देशलाई ग्रे लिस्टबाट हटाउन सुनचाँदीमा विलासिता कर लगाइएकाे अर्थमन्त्रीकाे दाबी

अर्थतन्त्र

गृहपृष्ठ
अर्थतन्त्र

देशलाई ग्रे लिस्टबाट हटाउन सुनचाँदीमा विलासिता कर लगाइएकाे अर्थमन्त्रीकाे दाबी

क्यापिटल नेपालबुधबार, असार १८, २०८२

काठमाडौं। उपप्रधानमन्त्री तथा अर्थमन्त्री विष्णुप्रसाद पौडेलले देशलाई ग्रे लिस्टबाट हटाउन सुनचाँदीलगायतका गरगहनामा विलासिता कर लगाइएकाे दाबी गरेका छन्। विनियोजन विधेयक २०८२ माथि राष्ट्रियसभामा उठेका प्रश्नहरुको जवाफ दिनेक्रममा उनले यस्ताे बताएका हुन्।

आगामी आर्थिक वर्षको बजेटमार्फत सरकारले सबै प्रकारका गरगहना र सुनचाँदी खरिदमा विलासिता कर लगाउने निर्णय गरेको थियो। “पहिले पनि १० लाखभन्दा माथिको कारोबारमा दुई प्रतिशत विलासिता कर लाग्दै आएको थियो। अहिले त्यसमा लगाइएको सीमा (थ्रेसहोल्ड) हटाइएको मात्र हो”, अर्थमन्त्री पौडेलले भने।

आगामी आवको बजेट कार्यान्वयनयोग्य रहेको दाबी पनि अर्थमन्त्री पौडेलले गरे। बजेटको स्रोत सुनिश्चितता गर्दा आन्तरिक राजस्व व्यवस्था, ऋण तथा अनुदान शीर्षकहरुको यथार्थपरक विश्लेषण गरिएको उनको भनाइ छ। विकास र समृद्धिको आकांक्षा पूर्ति गर्नका लागि घाटा बजेट ल्याउनु खराब नरहेको तर्क गर्दै अर्थमन्त्री पौडेलले पुँजी निर्माणका क्षेत्रमा ऋण खर्च गर्ने नीति लिइएको दाबी गरे।

प्रकाशित मिति: बुधबार, असार १८, २०८२ १६:०५

प्रतिक्रिया दिनुहोस्