पुराना डिलरलाइ ग्याँस नदिइ नयाँ डिलर खडा गर्ने महालक्ष्मी उद्योगलाइ निगमले सोध्यो स्पष्टीकरण

मुख्य समाचार

गृहपृष्ठ
मुख्य समाचार

पुराना डिलरलाइ ग्याँस नदिइ नयाँ डिलर खडा गर्ने महालक्ष्मी उद्योगलाइ निगमले सोध्यो स्पष्टीकरण

क्यापिटल नेपालबुधबार, चैत ५, २०७६

काठमाडौं । नेपाल आयल निगमले पुराना डिलरलाइ ग्याँस नदिइ नयाँ डिलर खडा गर्ने पञ्च महालक्ष्मी इन्डष्ट्रिज प्रालिलाइ स्पष्टीकरण सोधेको छ । प्रालिले स्याङ्जाको वालिङस्थित मिर्दि भन्ने स्थानमा नयाँ डिलर खडा गरेकोप्रति निगमले तीन दिनभित्र चित्तबुझ्दो लिखित जवाफ पेश गर्न भनेको छ ।

हालको बिषम परिस्थितिमा निगमबाट जारी भएको नयाँ सिलिन्डर खरिद नगरी पुरानै खाली सिलिन्डर साटफेर गरी सर्वसाधारणलाइ एलपी ग्याँस खरिद गर्न अनुरोध गरेको थियो । ‘सो ग्याँस उद्योगले भने पुराना डिलरलाइ एलपी ग्याँस नदिइ नयाँ डिलर खडा गरी ग्याँस वितरण गरेको जानकारी निगममा प्राप्त भएकाले सो कार्य एलपी ग्याँस विनियमावलीको विनिमय २९ को उद्योगसँग कारोबार निलम्बन हुने शिर्षकमा आकर्षित हुने भएको देखिन्छ’ निगमको विज्ञप्तीमा भनिएको छ ।

एलपी ग्याँस विनियमावली २०६५(संशोधन सहित) को विनिमय २९ बमोजिम त्यस उद्योगसँग निगमको कारोबार निलम्बन किन गर्नु नपर्ने? सोको चित्तबुझ्दो लिखित जवाफ पेश गर्न निगमले आग्रह गरेको छ ।