नबिल बैंक गोल्ड अवार्डबाट सम्मानित

बैंकिङ

गृहपृष्ठ
बैंकिङ

नबिल बैंक गोल्ड अवार्डबाट सम्मानित

क्यापिटल नेपाल शनिबार, साउन ३, २०८२

काठमाडौं। नबिल बैंक नेपाल चार्टर्ड एकाउन्टेन्ट्स संस्था (आइक्यान)बाट वार्षिक रुपमा प्रदान गरिने उत्कृष्ट वार्षिक प्रतिवेदन अवार्ड, २०२४ (एनबीपीए)द्वारा सम्मानित भएको छ।

आइक्यानले आर्थिक वर्ष २०२३/२४ मा प्रकाशित वार्षिक प्रतिवेदनका आधारमा संस्थाको वित्तीय पारदर्शिता, जवाफदेहिता र सुशासनका लागि बैंकिङ क्षेत्रमा अब्बल ठहर गर्दै उक्त अवार्ड दिएको हो। आर्थिक वर्ष २०२२/२३ मा पनि नबिल बैंकले गोल्ड अवार्ड हात पारेकाे थियाे।

शुक्रबार काठमाडौंमा आयोजित कार्यक्रममा महालेखापरीक्षक तोयम रायले बैंकका वित्त प्रमुख सन्दीपबाबु पौडेललाई अवार्ड हस्तान्तरण गरे।

बैंकको उक्त पुरस्कृत वार्षिक प्रतिवेदन नेपालको तर्फबाट दक्षिण एसिया फेडेरेसन अफ एकाउन्टेन्टस् (साफा) ले दक्षिण एसियाली स्तरमा आयोजना गर्ने साफा बीपीए अवार्डका लागिसमेत मनोनीत हुनेछ। हाल २६८ शाखा र ३२१ एटिएममार्फत सेवा दिँदै आएको छ।

प्रकाशित मिति: शनिबार, साउन ३, २०८२ १०:४०

प्रतिक्रिया दिनुहोस्