खेत रोप्न मोटर चलाउने क्रममा दुई किसानको मृत्यु

कृषि

गृहपृष्ठ
कृषि

खेत रोप्न मोटर चलाउने क्रममा दुई किसानको मृत्यु

क्यापिटल नेपाल बुधबार, साउन ७, २०८२

काठमाडौं। खडेरका कारण धान रोप्न नपाएपछि सिँचाइका लागि विद्युतीय मोटर जोडने क्रममा करेन्ट लागेर दुई जनाको मृत्यु भएको छ। रौतहटको छुट्टाछुट्टै स्थानमा खेतमा सिँचाइ गर्ने क्रममा दुई जना किसानको मृत्यु भएको हो।

मृत्यु हुनेमा कटहरीया नगरपालिका २ जमुनियाका ४२ वर्षीय मोक्तार देवान र माधवनारायण नगरपालिका ४ विसुनपूर्वा मानपुरका ४० वर्षीय रामबाबु मुखिया रुहेका छन्।

धान खेतमा सिँचाइका लागि मोटरबाट पानी हाल्ने क्रममा गए राति मोक्तारलाई करेन्ट लागेको हो। उनलाई गरुडामा रहेको ग्रान्डी अस्पतालमा ल्याए पनि चिकित्सकले मृत घोषणा गरेको प्रहरीले जनाएको छ।

यस्तै, बुधबार बिहान ७ बजे आफ्नो खेतमा सिँचाइ गर्ने क्रममा रामबाबुको मृत्यु भएको हो। उनलाई उपचारका लागि प्रादेशिक अस्पताल गौर लगिए पनि चिकित्सकले मृत घोषणा गरेका थिए।

प्रकाशित मिति: बुधबार, साउन ७, २०८२ १५:४२

प्रतिक्रिया दिनुहोस्