ड्रागन फलमा ढुसिजन्य रोगको समस्या, उत्पादनमा गिरावट

कृषि

गृहपृष्ठ
कृषि

ड्रागन फलमा ढुसिजन्य रोगको समस्या, उत्पादनमा गिरावट

क्यापिटल नेपालबिहीबार, साउन १५, २०८२

काठमाडाैं। ‍चितवनमा लगाईएको ड्रागन फल (सिउडी फल)मा ढुसिजन्य रोगको समस्या देखिएको छ। जिल्लाका अधिकांश फर्ममा यो समस्या देखिएको हो। जसका कारण उत्पादनमा गिरावट आएको छ।

पूर्वी चितवनको रत्ननगरमा सिउडी फलको खेती गर्दै आएका धु्रवप्रसाद अधिकारी यस वर्ष उत्पादनमा गिरावट आउने बताए। ढुसिजन्य रोगका कारण उत्पादनको ५० प्रतिशत मात्र राम्रो भएको उनले बताए। फलको बोक्रामा कालो दागहरु देखिँदा व्यवसायी र प्रयोगकर्ताले समेत कम प्रयोग गर्ने उनले बताए।

उनले भने, “अहिले उत्पादनको ५० प्रतिशत राम्रो निस्किएको छ। अन्यमा समस्या देखिएको छ।” औषधिको प्रयोगले यत्तिको भएको उनले बताए। राम्रो उत्पादन भएका फलहरु व्यवसायीले लैजाने गरेको बताउँदै उहाँले भन्नुभयो “कालो दागहरु देखिएका फललाई सस्तोमा गाउँघरतीर बिक्री गर्नु परेको छ।” यो रोग देखिएको फल एक साता भित्र प्रयोग गरिसक्नु पर्ने उनले बताए।

कृषि विकास कार्यालय चितवनकी बागबानी बिकास अधिकृत स्वस्तीका चौहानका अनुसार जिल्लाको २४ हेक्टर क्षेत्रफलमा लगाइएको यस फलमा समस्या देखिएको हो। ढुसिका कारण फलमा कोत्रे रोगको संक्रमण देखिएको हो। यो रोगका कारण फल पहेलिने, दानामा खैरो थोपा देखा पर्ने, फल कालो भई चाउरीने जस्ता समस्या देखिने गर्दछ।

प्रकाशित मिति: बिहीबार, साउन १५, २०८२ १८:२७

प्रतिक्रिया दिनुहोस्