पहिरोले बेनी-जोमसोम सडक अवरुद्ध, अलपत्र परे पर्यटक

पर्यटन

गृहपृष्ठ
पर्यटन

पहिरोले बेनी-जोमसोम सडक अवरुद्ध, अलपत्र परे पर्यटक

क्यापिटल नेपालसोमबार, साउन २६, २०८२

म्याग्दी। म्याग्दीको उत्तरी क्षेत्र हुँदै पर्यटकीय जिल्ला मुस्ताङलाई राष्ट्रिय राजमार्गसँग जोड्ने बेनी-जोमसोम सडकको म्याग्दी खण्ड अवरुद्ध भएको छ।

म्याग्दीको रघुगंगा गाउँपालिका २ बैसरी, माझखर्क, अन्नपूर्ण गाउँपालिका ३ सुकेबगर र काभ्रेभिरमा खसेको पहिरोका कारण सडक अवरुद्ध भएको जिल्ला ट्राफिक प्रहरी कार्यालय म्याग्दीले जनाएको छ।

कार्यालयका प्रमुख प्रहरी सहायक निरीक्षक विशाल दर्जीले सडक विभाग र बेनी-जोमसोम-कोरला सडक योजनाका निर्माण व्यवसायीहरूको डोजर परिचालन गरेर खुलाउने प्रयास भइरहेको बताए।

वर्षा नरोकिएको र निरन्तर पहिरो खसेकाले सडक खुुलाउन समस्या भएको उनको भनाइ थियो। सडक अवरुद्ध हुँदा मुस्ताङ जिल्ला र म्याग्दीको अन्नपूर्ण गाउँपालिकाको सीधा यातायात सम्पर्क टुटेको छ।

प्रतिकूल मौसमका कारण पोखरा-जोमसोम हवाई सेवा बन्द छ। स्थानीयवासीका साथै मुस्ताङ घुम्न जाने र फर्कने पर्यटकहरू प्रभावित भएका छन्।

प्रकाशित मिति: सोमबार, साउन २६, २०८२ १२:१०

प्रतिक्रिया दिनुहोस्