वर्षाका कारण दाउन्ने सडकमा हिलो, बाटो अवरुद्ध

पूर्वाधार

गृहपृष्ठ
पूर्वाधार

वर्षाका कारण दाउन्ने सडकमा हिलो, बाटो अवरुद्ध

क्यापिटल नेपालसोमबार, साउन २६, २०८२

काठमाडौं। पूर्वपश्चिम राजमार्गको नारायणगढ बुटववल सडक खण्ड सोमबार बिहानैदेखि अवरुद्ध भएको छ। जिल्ला ट्राफिक प्रहरी कार्यालय नवलपुरका अनुसार दाउन्नेको विश्वकर्मा मन्दिरदेखि केही माथिसम्म अवरुद्ध भएको हो।

बाटो बिग्रिएको र पानीले सडक हिलो भएकाले सडक अवरुद्ध भएको हो। दाउन्ने सडक खण्ड पछिल्लो एक सातादेखि अवरुद्ध हुँदै आएको छ।

नवलपुरको दाउन्ने विश्वकर्मा मन्दिरदेखि ६५ मोड भन्ने ठाउँसम्म करिब डेढ किलोमिटर बाटो ठाउँठाउँमा एकतर्फी रहेको छ। यो सडक खण्डमा सामान्य पानी परेपछि हिलो र चिप्लो हुँदै आएको छ।

अवरुद्ध सडक खुलाउने प्रयास भए पनि वर्षा नरोकिँदा बाटो खुलाउन सकस भएको प्रहरीले जनाएको छ। दाउन्नेको १४ किलोमिटर सडक खण्डमध्ये दाउन्ने केन्द्रित रहेर अहिले सडक विस्तारको काम भइरहेको छ। यहाँ सडक ढलान तथा कालो पत्रे हुन नसक्दा सामान्य पानीमा बाटो हिलो हुँदै आएको छ।

प्रकाशित मिति: सोमबार, साउन २६, २०८२ १२:३८

प्रतिक्रिया दिनुहोस्