साउनकाे सोमबार सांग्रिला बैंकको मेहन्दी उत्सव, १५ सयभन्दा बढी महिला सहभागी

बैंकिङ

गृहपृष्ठ
बैंकिङ

साउनकाे सोमबार सांग्रिला बैंकको मेहन्दी उत्सव, १५ सयभन्दा बढी महिला सहभागी

क्यापिटल नेपालसोमबार, साउन २६, २०८२

काठमाडाैं। बालुवाटारस्थित सांग्रिला विकास बैंकको शाखामा आज बिहान महिलाको भीड थियो। हातमा मेहन्दीको डिजाइन बनाउँदै र पालो पर्खिँदै सबै उत्साहित देखिन्थे।

Sangri-la-Bank-mehendi-utsab_-(6)-1754902976.jpg
बैंकको मार्केटिङ विभाग प्रमुख अर्पणा बज्राचार्यका अनुसार यो कार्यक्रम हरेक वर्ष साउन महिनाकाे सोमबार आयोजना गरिन्छ र यसलाई निरन्तर ४ वर्षदेखि गर्दै आएका छन्। उनले भनिन्, “यसलाई हामीले संस्कृतिको संरक्षण र उत्सवको रूपमा सञ्चालन गर्दै आएका छौँ। ग्राहक मात्र होइन, हाम्रो आफ्ना स्टाफलाई पनि हामी यसमा सहभागी गराउँछौँ।”

आजको दिन साउन महिनाको अन्तिम सोमबार हो। यस वर्ष यो कार्यक्रम बालुवाटार शाखामै नभई, प्रत्येक क्लस्टरका १० शाखामा गरिएको बैंकले बताएकाे छ। यो महिनाको सुरुदेखि अहिलेसम्म यस अभियानमा १५०० भन्दा बढी महिलाहरू सहभागी भइसकेकाे बैंकले जनाएकाे छ।