विमानस्थलमा भिजिटर पास वितरण बन्द

पर्यटन

गृहपृष्ठ
पर्यटन

विमानस्थलमा भिजिटर पास वितरण बन्द

क्यापिटल नेपालमंगलबार, साउन २७, २०८२

काठमाडौं। त्रिभुवन अन्तर्राष्ट्रिय विमानस्थल कार्यालयले आजदेखि अन्तर्राष्ट्रिय टर्मिनल भवनका लागि उपलब्ध गराउँदै आएको भिजिटर पास वितरण बन्द गरेको छ।

विमानस्थल कार्यालयले सोमबार सार्वजनिक सूचना जारी गर्दै साउन २७ देखि भिजिटर पास वितरण बन्द हुने जानकारी दिएको हो।

अबदेखि व्यक्तिगत सहायता आवश्यक पर्ने यात्रु जस्तै, वृद्धवृद्धा, फरक क्षमताका व्यक्ति, गर्भवती महिला तथा नाबालकलाई सम्बन्धित वायुसेवा कम्पनीले नै आवश्यक सहयोग उपलब्ध गराउनेछन्।

यस्ता यात्रुलाई सहायता कक्ष र ह्वीलचेयरलगायत सहयोग पनि विमान कम्पनीबाटै हुने सूचनामा भनिएको छ।

विमानस्थलमा अनावश्यक भीड कम गर्न र यात्रुलाई आवश्यक सहजीकरण वायुसेवाले नै गर्ने भएकाले विमानस्थल कार्यालयको निर्णयअनुसार भिजिटर पास वितरण बन्द गरिएको सूचनामा उल्लेख छ।

अबदेखि यात्रुका आफन्त तथा अन्य व्यक्ति पास लिएर टर्मिनल भवनभित्र प्रवेश पाउने छैनन्।